Хальмг гуманитарн шинжлтин институтд региональн номин-дамшлтын конференц болв
Әрәсән номин академин медлд ордг Хальмг гуманитарн шинжлтин институтин ул деер “Әрәсән межә батллһнд күргсн хальмгудын нилч” гидг нерәдлһтә региональн номин-дамшлтын конференц болжана. Эн керг-үүлдвр Әрәсән нутг тогтсна 1150 жилин өөнд болн Әрәсән туужин жилд нерәдгджәнә.
Әрәсән межә батллһнд күргсн хальмгудын нилч” гидг төрәр кегдсн шинжлтс баһ биш. Тедү мет мана танһчд. Әрәсән номин Академин гуманитарн шинжлтин хальмг институтын туужин болн археологийин әнгин заведуюш, туужин номин доктор, профессор Константин Максимов Эврәннь номин шинжллтән Әрәсән ханьд оржах Хальмг келн-әмтнә государственн чинрин төр босхж хәләсн бәәнә. 17-гч зун жилд хальмгуд Әрәсән ханьд орхларн онц туужта, авг-бәрцтә, шар шажин сүзгтә, энүнлә ирлцәтә хәләцтә, эврә социальн-политическ бүүрдәцтә салу келтнр бәәсмн. Хальмг дәәчнрин тиим дамшлт Әрәсән межә харслһнд, терүнә чинриг нарт-делкәд батруллһнд, геостратегийин зура күцәлһнд ик туста болсн мөн. Энүнә туск болн нань талдан төрмүдәр кегдсн көдлмшс номин конференцин йовудт хәләгдв. Ут-тоодан 40 шинжлтсин доклад кегдв.
