Хаалһс яслһна төлә шин техник хулдж авгдв
Элст балһсна эдл-ахуд хаалһст ясвр келһнә төлә шин техник ирв. Энүнә төлә хотл балһсна бюджетас найн сай арлснг йилһж өггдв. Үлгүрнь, пневмоцацлин эв-арһар хаалһс яслһна шин оборудовань хулдж авгдв. Иим машин хаалһс яслһнд сән дөнгән күргх. Иим машин яһж көдлнә, ямаран уульнцд ясвр кегджәнә.
Вячеслав Рвачев хөрн жилдән хаалһин церглтд көдлжәнә. Энүнә тоолврар, шишлнг машидыг шинрүлх керг кезәнәс авн босхгдв. Хуучн эвдрсн техникар хаалһс хуучн эв-арһар ясж болна. Шин техник Рвачевд таасгджана. Әәмшг угаһар көдлнә, көдлмшт эвтә-довта болна. Хаалһст ясвр кедг көдлмшт сәәнәр иролцжәнә. Пневмоцацлин эв-арһар хаалһст нүк ахр болзгт немр мөнг һарһлго ясж болна.
Вячеслав Рвачевин келсәр, шин техникд хойр бочк бәәнә. Энүнд усн кегднә. Тер мет шишлнг эмульс олзлгдна. Хаалһд ясвр кесн цагт шебень эмульста хамдан асхгдна. Бүкл бригадын ормд көдлж чадна. Зуг хйор көдләч болн машина жолач көдлнә.
Элст балһсна хаалһин эдл-аху хаалһс шинрүлж ясхин төлә хөрн тавн шин техник хулдж авв. Энүнә төлә бәәрн бюджетас найн сай арслнг йилһж өггдв. Тер мет Элст балһсна администрацин темдглсн зураһар хаалһс болн әмтн йовдг хаалһ ясхин төлә дәкәд долан сай арслнг һарһж өггдв.
Элст балһсна эдл-ахун директор Валерий Будаевин келсәр, Сухэ-Баатрин, Кировин, Толстойин нертә уульнцд хаалһс ясгдв. Эн долан хонгт хаалһин шин техник ирв. Ода ясврин көдлмш Чернышевскийн, Николаевин нертә уульнцд кегджәнә.
Эндр өдрт Элст балһснд зун дөчн негн уульнц асфальтирован хаалһта. Болв ода деерән хаалһсин далн процентнь хуучрад эвдрв. Тегәд энүг ахр болзгт намр күртл сән чинртәһәр ясж авх кергтә.
Энүнә темдглсәр, хаалһсиг цаглань ясхла сән болна. Нег үлү, киттн цагт энүгәр йовж болхш. Элстин уульнцд ясвр кегджәх керг сән. Зуг энүг сән чинртәһәр кех кергтә гиж эн келнә. БлицЗ хаалһс яслһна көдлмшиг дару-дарунь кех кергт. Эс гиж эдниг цааранднь ясхд күнд болж одх.
Иим шишлнг оборудованьд бәәх эмульс болн шебень зун дөрвлжн метр хаалһд нүк ясхин төлә күрхмн. Ясвр кесн хөөн тавн минут болад хаалһчар машид йовж чадхмн. Эн өдрмүдт ясврин көдлмш Дармаевин, Хониновин, Ки ровин болн Николаевин нертә уульнцд кегджәнә. Энүнә ашт хотл балсһна хаалһс шинрүлгдж, сән бәәдл һарх зөвтә.
Елена Алексенко, Максим Мятежный
