Хаалһд учрсн зеткртә йовдлын ашт нег күн әмнәсн хаһцв

Давсн долан хонгт мана танһчин хаалһст арвн йисн зеткртә йовдл учрв. Һучн хойр күн шав авв. Нег күн әмнәсн хацһв. Джалыково — Лагань хоорндк региональн хаалһар гиигн Жигули маши залж йовсн күн залвран гееһәд, өмнән бәәсн боомтг дәврж. Энүнә ашт шав авсн залу күн дор ормдан өнгрв. Хаалһин жисә бүрткж хәләжәсн госавтоинспекцин көдләчнр соктуһар болн наркотик олзлсн тәвн негн жолачиг бәрж авад, маши залдг зөвинь авв.

Тер саамд хөрн долан тонн нефть авч йовсн Целинн района тәвн һурвн наста жолачиг полицин көдләчнр зогсав. Аца зөөдг маши залж йовсн күүнә үзүлсн цаасн полицин көдләчнриг алмацулв. Жолачин келсәр, нефтиг эд-бод кедг заводт күргж йовсн бәәж. Ода автоцистерн бәргдв. Эн йовдлар бүртклһн болн мөшклһн кегджәнә.