Хаалһар йовлһна зокал эвддг улсин то баһржахш
Эн жилин сентябрин нег шинәс авн хаалһар йовлһна зокал эвдсн улсиг чанһ засгла харһулчн бийнь, хаалһст эн туст бәәдл ясржахш. Энүнә тускар статистик ил герч болжана. Эн сарин эргцд инспектормуд сокту зун жолачиг бәрж авв. Нурһлж зака эвдсн әмтн Элст балһсна уульнцд бәргдж. Дарани рейдын йовудт ДПС-ин көдләчнр дөврн сокту маши залачиг бәрж авад, протокол бичв. Һуврн күн алкотестерин шинжлтд орхар седсн уга. Эдн цугтан күсдундур эс гиж хойр жилдән маши залдг зөвән геех, һучн минһн арслнг ял өгхмн. Энүнә тускар шиидвр зарһ ьбатлж авх зөвтә. Тер саамд сакту жолачнр орлцата хаалһд зака эвдсн йовдлмудын то өсәд йовна. ГИББД-н инспектормудын келсәр, чанһ засг орулснь хаалһст зака эвдсн улст боомтг болжахш. Үлгүрнь, иим улсин дунд насни дигт күрәд уга бичкдүдиг шишлнг суудл угаһар машинд зөөж йовсн болн әәмшг уга йовлһна бүс угаһар маши залж йовсн әмтн бәргдв. Зәрм жолачнр болхла темдглж бичлһнә цаас угаһар маши залж йовсн бәәж.
