Грипп гемәр нег чигн күн мана танһчд гемтсн уга
Роспотребнадзорин зәнглсәр, Хальмг танһчд ОВИ болн грипп гемәр гемтлһнә кемжән әәмшгтә кемжәнәс давсн уга. Намрин-үвлин кемд ут-тоодан долан минһ һар күн ОРВИ гемәр гемтв, эднәс найн негнь процентнь бичкдүд. Грипп гемәр нег чигн күн гемтсн уга. Эннь сүл жилмүдт саглулгч тәрлһ кеснәс иштә бәәдл ясрв. Ода мана танһчд цуг бичкдүдт гетлүлгч тәрлһн кегднә.
Бичкдүдин поликлиникд өдр болһн олн күн цуглрна. Эк-эццкнр бичкдүдән эмчин хәләврт авч ирнә. Йириндән эмчин хәләврт эк-эцкнр эрүл-менд үрдүдән авч иржәнә. Зәрм әмтн эмчин справк авхар ирнә, талдан бичкдүд кергтә эмнүлһ авхар ирнә. Нурһлж нилх бичкдүд эмчин хәләврт ирж орна. Кемр көвүд-күүкд ОРВИ болн талдан чигн күнд гемәр гемтхлә, эмчнрин селвгәр эдниг больницд орулна эс гиж гертнь эмнүлнә. Элст балһсна бичкдүдин поликлиникин ах эмчин үүл даажах Вера Арилован келсәр, ОРВИ геәмр гетмлһнә бәәдл эмчнрин чанһ бүртклһнд бәәнә. Намрин-үвлин кемд ОРВИ гемәр гемтлһн әәмшгтә кемжәнәс давсн уга. Эн кемд нег чигн күн грипп гемәр гемтсн уга.
Элст балһсна бичкдүдин поликлиникин ах эмчин үүл даажах Вера Арилован келсәр, бичкдүд дунд хальдврта гемәр гемтлһнә бәәдл гем уга сән. Ода грипп гемхр нег чигн күн гемтсн уга. Сүл һурвн жилд грипп гемәр гемтлһн темдглгдсн уга. Сүл дәкж олн әмтн грипп гемәр хйор минһн йисдгч жилд гемтлә.
Иим бәәдл цуг танһчар тогтв. Эпидемиологудын цәәлһсәр, сүл һурвн жилд Хальмг танһчд улсиг тәрлһнә көдлмш сән бүрдәмжтәһәр күцәгдснәс иштә ОРВИ болн грипп гемәр гемтлһн баһрв. Сүл жилмүдт цуг бичкдүдт цаглань тәрлһн кегднә.
Роспотребнадзорин әнгин ахлач Сергей Савченко келсәр, хальдврта гемәр гемтлһнә то тәрлһ кехлә баһрна. Тегәд саглулгч тәрлһ кехлә, ОРВИ болн грипп гемәр әмтн баһар гемтнә. Ода Әрәсәд цуг улсас хөрн тавн процентнь тәрлһнд орна, Хальмг танһчд болхла эн кемжән дөчн процент тогтажана. Тегәд чигн мана регионд грипп болн ОРВИ гемәр гемтсн улсин то зөвәр баһрв.
Специалистнрин цәәлһсәр, тәрлһнд орсн улс ОРВИ эс гиж грипп гемәр гемтнә. Зуг тәрлһнд орсн улс күндәр гемтхш, эдн дундас күн әмнәсн хаһцсн йовдл һархш. Сүл цагт эмнүлин учрежденьст өдр болһн хальдврта гемәр гемтсн улс эмчин хәләврт оржана. Эдн цугтан ОРВИ гемәр гемтжәнә.
Роспотребнадзорин әнгин ахлач Сергей Савченко келсәр, давсн жилин октябрь сарас авн эн өдр күртл мана танһчд грипп гемәр нег чигн күн гемтсн уга. Әрәсхд бас эн гемәр гемтсн улсин то баһ. Ода әмтн нурһлж ОРВИ гемәр гемтжәнә.
Зуг тәрлһәр царцдг гемәс гетлж болшго. Цогц-махмудан батрулх селвг эмчнр өгчәнә.
Элст балһсна бичкдүдин поликлиникин ах эмчин үүл даажах Вера Арилован келсәр, хамгин түрүн бичкдүдин цогц-махмудиг батрулх кергтә. Бичкн көвүд-күүкдиг үвлин киитн кемд сәәнәр хувцлх кергтә. Эдн көйрчәһәд һаза һарх зөв уга. Тер мет хот-хол сән чинртә болх зөвтә. Тер тоод зер-земш өгх кергтә. Бичкдүдин бәәсн герт цевр аһр орулх кергтә. Герт бас цевр аһар орулгдх зөвтә.
Эмчнрин селвгүдиг оньгтан авх кергтә. Нег үлү, ода үвлин киитн кемд иим селвг олз-туста болна. Специалистнрин тааврар ОРВИ гемәр олн улс февралин чилгчәр мартын эклцәр гемтх әәмшг бәәнә.
Чучян Валентина, Котина Валерий
