ГИБДД-н көдләчнр дарани рейд кев

Давсн амрлһна өдрмүдт Элст балһсна хаалһст дөрвн зеткртә йовдл учрв. Тавн күн шавтв. Давсн бембә өдр Ленина нертә уульнцд гиигн машина залач йоһвн кү дәврв. Эн күн светофор уга һазрт хаалһ керчж һарчасн бәәж. Шав авсн күүкд күүг танһчин больницд орулв. Давсн нарн өдр федеральн хаалһин һурвн зун арвн негдгч дуунад хаалһин хажуд гиигн машин илткгдв. Энүнә өөр ухан сегәһән геесн хойр күн бәәж. Ода эдн танһчин больницд эмнүлгджәнә. Хаалһст зеткртә йовдлмуд гетлүлхин төлә госавтоинспекцин көдләчнр дарани рейд күцәв. Эднлә хамдан мана үүдәгч баг бас көдлв.

Түрүн болж хууч “ВАЗ” гиигн машина жолачиг зогсав. Инспктор цуг документиг шинжлж хәләжәнә. Дуту-дундс уга, машина эзн Чингис Дентемиров цаарандан йовж чаджана. Жолач Чингис Дентемировин келсәр, иим рейд кергтә. Зака жолачнр баһар эвдх.

Болв Чингисла әдл талдан жолачнр ииг санжахш. Әәмшг уга йовлһан бүс эс бүслсн төлә энүг зогсаж. Протокол бичснлә зөвшәржәхш. Энүнә тускар цәәлһвр өгсн уга. Энүнә келсәр, цугтан бүсән бүслхш. Иим жолач дала. Зу энүг зогсаж. Эннь хажһр гиж санжана.

Инспектормуд зогсасн талдан нег жолачд сурврмуд дала. Эн асхн баһ наста күн документ угаһар маши залж йовсн бәәж. Документан гертән үлдәсн бәәж. Статистикин то —дигәр, документан гертә үлдәһәд маши залдг, бүс эс бүслдг болн хаалһар йволһна зака эвдсн жаолчнрин то Элст балһснд баһржахш. Эн туст хамгин ик оньг соктаһар маши залж йовсн улст тусхагдна.

ГИБДД-н ах инспектор Василий Кекеевин келсәр, өдр болһн госавтоинспекцин көдләчнр маши залдг зөв геесн болн соктуһар маши залж йовсн тавн-арвн кү бәрж авна.

Эн туст инспектормудла талдан жолачнр бүклдән зөвшәржәнә. Эднә тоолврар, соктуһар маши залж йовсн улс зеткртә йовудлмуд учрана. Жолач Бадма Горяевин келсәр, соктуһар маши залж йовсн әмтн йоһвн улсиг дәврнә, зеткртә йовдлмуд учрана.

ВИим керг-үүлдврмүдин йовудт полицин көдләчнр талдан зөв-йос харлһна цуерглтин көдләчнрлә хамдан цуг машид зогсаж хәләжәнә. Энүнә һол күцлнь — соктуһар маши залж йовсн улсиг илткж авлһн болжана. Тер мет иим керг-үүлдврт зарһин приставмуд бас орлцжана. Эдн жолачнр дунд өртә улсиг илктж авчана. Иим керг-үүлдвр жолачин зөвшәләр кегднә. Зарһин пристав Никоалй Очировин келсәр, зөвшәл өгсн улсин бүрткж хәләжәнә. Өрн уга улс иим бүртклһнд орх саната.

ГИБДД-н иим керг-үүлдврмүд зака эвдсн жолачнриг илткж авсн деерән, зектртә йовдлмудас гетлүлһнә төлә күцәгджәнә. Иим рейдмуд күцәснә ашт Госавтоинспекцин көдләчнр һурвн зун зака вэдсн йовдл илткв. Эднәс соктуһар маши залж йовсн долан күн маши залдг зөвән геев. Һурвн күн документ угаһар маши залж, арвн һурвн жолач йовһн улст хаалһ өгч уга. Тер мет йовһн улс зака эвдсн һучн йовдл илктгдв.

Елена Алексенко, Мятежный Максим