Гемтә көвүнд танһчин әмтн нөкд болж чадх

Энүнд дөн кергтә, цаһан секдлтә улст нәәлжәнә. Арвн наста Давид көвүн һурвн жилдән эврәннь жирһлин төлә ноолда кежәнә. Хойр минһн арвдгч жилин август сард эн көвүнә толһад хавдр эмчнр илткв.

Һурвн жил хооран Давид Даргаевд эмчнр толһаднь хавдр бәәнә. Эннь әәмшгтә гүлгн гемм гиж илткв.

Хавдр керч авлһна операц кев. Тер мет химио-физиотерапийн эмнүлһ авсмн. Цөн цагт гем зовасн уга, болв эн жил дәкнәс босад, ик зовлнг урдк кевәр учрадг болв. Дәкәд болхла, ач көвүнәннь тускар зовад бәәж ээжнь Любовь Матвеевна гемтв.

Давидын ээжнь Любовь Даргаеван келсәр, мана хамгин дурта зе көвүн. Кесг зовлнг дааж һарвидн. Сурһулян сәәнәр сурна. Школд байр болхла билг-эрдмән үзүлдг бәәсмн. Ээжән школд дуудг билә. Иим гем ирхинь меджәсн угавидн. Дегд икәр зодвг бәәж. Эннь эрүл-мендин халхд му нилчән күргв. Ода хойрдгч багин инвалид болв.

Урднь Давид нәәжнртәһән наадад, школдан йир сәәнәр сурдг билә. Ода болхла көвүн сүл цагт дегд икәр хүврв. Урднь көвүдтә һаза футбол наадхдан дурта билә. Болв гемәс көлтә шинәс суух болн йовх дасх кергтә болв. Ода Давид дү күүкн Ритала сул цагтан наадна. Кроссвормуд соньмсж тәәлнә, дегтрмүд умшхдан дурта.

Давид Даргаевин келсәр, компьюерн наадн дурта. Эврәннь һарарн кегдлмүд кехдән дурлна. Кроссвордар соньмсна.

Ода Давид йосн бөдүн күн кевтә ухалж гүн сана тунһана. Бичкнхсн авн иим билә гиж экнь келнә. Гемм кедү күнд болв чигн, экн көвүһән чанһ кевәр бәрж сурһжана. Давид экдән гертән дөн күргжәнә, дү күүкән хәләнә. Хамгин дурта эрдмнь — эврәннь һарарн олн-зүсн кегдлмүд кехдән дурта.

Давидын цәәлһвсәр, экнь Санкт-Петербург балһснд одсн кемд, иим плакат кев. Олн-зүсн журналмудас зургуд авад, плакатд наав.

Ода Давидт Дмитрий Рогачевин нертә Москван бичкдүдин гематологин, онкологин болн иммунологин номин клиническ цутхлнгд операц кех кергтә. Хальмг танһчин эрүл-менд харлһна министерств мөнгн угаһар операц кехин төлә шишлнг квот өгв. Болв операцин хөөн үнтә эмнүлһ кехин төлә ик мөнгн кергтә болжана. Даргаевихна өрк-бүлд иим мөнгн уга. Тегәд көвүнә экнь танһчин цуг улст нөкд болтн гиж дуудвр кежәнә.

Давидын эк Майя Даргаеваен келсәр, һурвн жилдән гемлә ноолдв. Нег операц Давидт кеж. Энүнә хөөн гем уга билә. Ода болхла герт хойр инвалид бәәснь күнд болжана. Давидт дәкәд нег операц кергтә. Энүнә төлә мөнгн уга. Тегәд танһчин улсас нөкд болхинь суржанав.

Бичкн көвүнд танһчин цуг әмтн дөн күргж чадх. Ода эврәннь телевизорин экранд тадн Давидын төлә альдаран мөнг орулж өгх банковск реквизит болн счетын тойг үзжәнәт. Тер мет Давидын экднь иим телефоһар жиннүлж болх. 8 988 685 1725. Эн телефона тойгар жиннүләд, Даргаевихна өрк-бүлд тадн дөн күргж чаджанат.

Елена Алексенко, Котина Валерий