Газин өрн данцагдх

Газин өрн темдглсн зураһар данцагджана. Әрәсән правительствин ахлач Дмитрий Медведевин һардврта болсн селекторн селвлцәнд энүнә тускар келгдв. Селвлцәнд хальмгин правительствин ахлач Игорь Зотов болн жилишн-коммунальн, энергетикин министр орлцв. Игорь Зотовин темдглсәр, газ олзлсна өр данцахин төлә танһчин толһач болн "Газпром межрегионгаз" негдлтин генеральн директор цуглрсн өр данцалһна утскар зөвшәлт батлж авв. Хальмг танһч эн жилин өриг цаглань данцах даалһвр авсмн. Танһчин правительств эн жилин газин өр данцалһна туст чанһ бүртклһ кежәнә, тер мет темдглсн зураһар хуучн өр данцалһиг бас оньгасн алджахш. Өдгә цагт мана танһч темдглсн зураһар олзлсн газин орн арвн һурвн һар процентд данцагдв.