25 ноября, 04:27
 1 °C
89,89
75,81
  • АВТОНОМИЯ 100 ЛЕТ
  • АВТОНОМИЯ2
  • АВТОНОМИЯ3
  • ВЕСТИ
  • МЫ ВМЕСТЕ 2020
  • АВТОНОМИЯ4
Анонс
  • Вести «Калмыкия»: смотрите ежедневно на телеканале «Россия 1»
  • Главные новости Калмыкии в еженедельном выпуске «Местное время. Воскресенье»
  • Слушайте Радио России — 102,7 FM

Этношколын сурһульчнр «Звездный час» нертә марһанд диилвр бәрв

Москва балһснд болсн «Звездный час» нертә марһанд хальмг танһчин этношколын сурһульчнр «Келн-улсин би» номинацд диилвр бәрв. Келхд, энүнд Курск, Пенза, Брянск балһсмудын, Киргизин, Арменин болн Украинан орн-нутгудын көвүд-күүкд орлцв.

Эн зургудыг бичкдүд эврән видеокамерт бичв. Гер талан ирхләрн багшнртаһан хамдан хәләһәд, эврәннь дуту-дундсан илткв. Дәкәд болхла, элгн-садндан үзүлв. 12 наста Дина Очирова «Маля» нертә ут ду болн «hалдма» ке-сәәхн күүкнә туск ут ду дуулад «Келн-улсин дун» нертә марһанд диилвр бәрв. Күүкн түрүн болж олн әмтнә өмн билг эрдмән үзүлснь темдглв.

Дина Очирован келсәр, хальмг улсин дурта дууг Москван хәләһәчнрт күргж дуулхд күнд болн дааврта керг болв. Тиигчкәд, талдан һазрас билгтә көвүд-күүкд бас орлцв. Тиим болв чигн эн марһанд ончрх саам нанд учрв.

Чичрдг, ишкмдг, минһн байр бид жюрин гешүдт болн заалд суусн әмтнд икәр таасгдв. Тегәд уйн наста биичнр хойр жил хооран секгдсн билгтә бичкдүдин этно-школд сурчахан герчлв. Темдгләд келхд, танһчин райодас ирсн көвүд-күүкдлә эрдмтә көгжмчнр, хореографмуд, актермуд болн зурачнр медрл өгнә. «Келн-улсин би» номинацд гран-при авад, көвүд-күүкд тунис орн-нутгт болх нарт-делкән фестивальд орлцх зөв авв.

Бииһин багш Алевтина Адучинова келсәр, мана бичкдүд эрк биш диилвр бәрх гиж санжала. Этно-школд сурһуль сурхд цуг таал бүрдәгдсн бәәнә. Хойр жилдән энд ном дасад, көвүд-күүкд шишлн диплом авхмн. Эн диплом Элст балһсна искусствин училишд шүүвр угаһар орх зөв өгнә.

Багшнрин келсәр, тиим керг-үүлдврмүдин йовудт бичкдүд дамшлт хоршасн деерән, хальмг улсин авг-бәрцлә, сойлла олн улсиг таньлдулж йовна.

Ээнән Дельгр, Ирчин Алексей

 Смотрите наши видео на YouTube!
Другие новости по теме
Вперёд
Социальная сфера

Политика

Образование

Культура

Спорт
Здравоохранение
Экономика
Происшествия