Этношколд Танһчин район болһнас билгтә баһчуд сурһуль сурчана

2011 жилд Элстд этношкол секгдсн билә. Школын багшнр байрин бәәдлд эн жилин түрүн һарцин көвүд күүкд һартнь диплом бәрүлж өгв. Эндр өдр эн школ Танһчин район болһнас билг эрдмтә күүкд көвүд сурһуль сурчана. Эднәс ик зунь олн зүсн марһасин дииләчнр.

Хойр жил хооран Хальмг Танһчин эрдм сурһулин номин болн сойлын министерствин нилчәр этношкол секгдсн билә. Энүнд танһчин школмудас билгтә баһчуд сурһулән сурһх зөвтә бәәсмн. Билгтә баһчудыг тавн йовуллһар шүүв.Энүнд келн улсин ду, жанһр дуулдг, хальмг би, урчнр болн хальмг литературин классмүд секв.

Хальмг Танһчин бичкдүдин үүдәлтин цутхлнгин директор Ирина Бадмаеван келсәр сурһулән эн жил төгсәжәх көвүд күүкд йир билгтә, энд авсн медрл эднд цааранднь тусан күргх гиж санх кергтә гиж эн күүкд күн келв.

Школын программас дутлго номан сәәнәр дассн деерән бичкдүд эврәннь билг эрдмән үзүлв. Йилһән сән сурһульчнрин тоод Айса Халенгинова болн Ирина Дорджиева йовна. Эн билгтә күүкд олн зүсн марһаст орлцад кесг дипломта. Айса Халенгинован келсәр цааранднь чигн зург зурхар седжәнәв. Энд зурлһна билгм өсв. Хальмг кел даслав.

Эн школ нанд хойрдг гер болв. Энд сурһуль сурсндан кесгтән мартшгов, дала үүрмүдтә болв — гиж сурһульч Ирина Дорджиева келв.

Этношколын багшнр болн эрдм сурһулин номин болн сойлын министерствин специалистнр сурһульчнрин төлә сән таал бүрдәсн билә. Билг эрд өөдлхд баһчудла нертә багшнр көдлсн билә.

Этношкол чиләсн баһчуд Петр Ченкушовин искуствин училишд шүүврән өгәд сурһулән цааранднь давулхар сана зүүжәнә.

Ээнән Делгр, Хулхачин Николай