“Этномир” Калмыкии нертә дегтр олн улст туслжана

Элст балһснд Хальмг танһчин толһачин медлд үүлджәх межэтническ хәрлцә батрулһна төрин көдлмшч багин өргн сүүр болв. Иим хүүв хойр жилдән мана танһчд үүлджәнә. Эн цагин эргцд багин көдлчәнр ик чинртә көдлмш күцәв, тер тоод “Этномир” Калмыкии нертә дегтрин хойр һарц барлж чадв. Шин дегтрин түрүн үзүлвр хүүвин сүүрин йовудт болв.

Өдгә цагт Хальмг танһчд дөчн келн-улсин элчнр бәәршлжәнә. Ода мана регионд йосн кевәр йисн келн-улсин сойлын негдлт көдлжәнә. Хойр жил хооран межэтническ хәрлцә батрулхин төлә көдлмшч баг тогтагдсн билә. Тер цагас авн школмудт олн-зүсн этносойлын болн поликультурн цутхлнгуд бүрдәгдв. Иим то-диг көдлмшч багин һардач Раиса Дякиева хүүвин көдлмшин аш диглхләрн кев.

Хальмг танһчин эрдм-сурһулин министрин дарук, көдлмшч багин һардач Раиса Дякиеван келсәр, иим аһу ик чинртә көдлмшиг райодын муниципальн бүрдәцлә хамдан кех кергтә болв. Кемр РМО-д нег чигн келн-улсин элч көдлжәхлә, эн күн эврәннь кедн-улсин тускар соньн зәнг орулх өгх зөвтә. Тегәд иим хамцу үүлдвр сән ашта болв.

Хүүвин көдлмшин ашт Этномир Калмыкии нертә дегтр барас һарв. Эннь хүүвин үүлдврин хамгин һол керг болв. Иим дегтр төрскн һазрин тууж шинжлжәх улст, туужин номтнртҺ багшнрт болн сурһмжлачнрт йоста байр үүдәв. Иим үгәр “Этномир” Калмыкии нертә дегтрин тускар зокьялчин негнь бичәч Николай Санджиев темдглв. Дегтрин хойрдгч һарц барас һархд туужин номтнр, бичәчнр болн танючин талдан чигн әмтн ик дөн болв. Лайф Бичәч Николай Санджиевин келсәр, шин дегтрт Хальмг танһчд бәәх цуг келн-улсин тускар келгджәнә. Ода кедү күн бәәнә, ямаран авьяс зангшлтаһинь дегтрәс медж болх. Дегтрт ке-сәәхн зургуд бас орв.

Шин дегтрт мана танһчд бәәх цуг келн-улсин уул авьяс-зангшалын туск материалмуд орв. Эврәннь келн-улсин тускар соньн медрл болн материалмуд бәәхлә, Этномир Калмыкии нертә дегтрин һурвдгч һарцин көдлмшт дөн болтн гиж дегтрин барин директор дуудвр кежәнә.

Татьяна Дмитриева, Бадмаран Владислав