Эндр прокуратурин коллегин сүүр болв
Эндр Элст балһснд танһчин прокурор Сергей Табельский һардврта коллегин өргн сүүр болв. Энүнд ведомствин давсн жилин көдлмшин аш диглгдв. Коллегин сүүр Хальмг танчһин толһач Алексей Орлов орлцв.
Давсн жилд прокуратурин көдләчнр улсин конституционн социальн батлһнд — бәәдг герәр, дөнцл мөнгәр тетклһнә болн эрдм-сурһулин төрмүдт онц оньг тусхав гиж докладтан Сергей Табельский темдглв. Мана танһчин предприятьмудын хойр минһн көдләчд хөрн зурһан сай арслнг жалвин өрн данцагдв. Нидн жил ут-тоодан һурвн минһн эрлһн хәләгдв, эднәс хөрн дөврн процентнь ханһагдв.
Табельскийн тоолврар, әмтнә орулж өгсн эрлһн чик учрта болж һарв. Хальмгин прокурор Сергей Табельский келсәр, зарһд зун дөчн сай арслнга дөрвн минһн керг йовулгдв, һучн нег уголовн керг күцәгдв. Прокурормудын көдлмшин аш сән болв.
Танһчин күцәгч йосна болн прокуратурин органмуд хоорндан залһлда бәрж хамцу нөкцлт күцәлһнә төрт Хальмг танһчин толһач Алексей Орлов онц оньг тусхав. Танһчин толһач Алексей Орловин келсәр, эндр өдрт инвестиционн шишлнг санг тогтагджана. Хальмгин правительств экономическ төрмүд хаһлх, тер тоод олн-әмтнә эдл-ахун халхин, үлгүрнь, селәнә эдл-ахун төрт онц оньг тусхагдх.
Коллегин сүүрин йовудт жил болһн болдг марһана аш диглгдв. Давсн жилин көдлмшин ашар хамгин сән гиж Приютненск района прокуратур тоолгдв. Энүнә һардачд кубок бәрүлж өөгдв. Сар болһн эн коллективин көдләчнрт немр мөнгн өггдх. Района прокуратурин көдләч хамгин сән специалистын нер зүүһәд, хойр сара жалвин мөрәһәр ачлгдв. Келхд, прокуратурин йирн жилин өөнд нерәдгдсн фильм һарһсн төләд мана телерадиокомпань ханлтын бичгәр болн медальмудар ачлгдв.
Давсн жилд бүртклһнә үүлдврт му нилчән хальдасн дуту-дунсдин тускар коллегин сүүрт бас келгдв. Энүнәс иштә мана регионд зака күцәлһнә, прокурорск бүртклһ келһнә керг ясрулһна халхар күцәх керг-үүлдврмүдин программ батлж авгдв.
Ээнән Делгр, Ирчин Алексей
