Эндр Хальмг танһчин правительствин комиссин сүүр болв

Эндр Хальмг танһчин правительствин комиссин сүүр болв. Энүг премьер-министр Игорь Зотов һардв. Сүүрт хаалһар әәмшг угаһар йовлһна, хаалһд учрдг зеткртә йовдлмудас әмтн харсж авлһан төрмүдәр тодрха күүндвр болв. Эн төрәр танһчин тосхлтын, көлгн-күчнә. болн хаалһин эдл-ахун министрин дарук Дмитрий Монастырский доклад кев. Ода мана танһчд нәәмн зун тәвн долан дууна хаалһд капитальн ясврин көдлмш кех кергтә, тер мет региональн чинртә хаалһсин хойр зун найн дөрвн дуунад шинрүлһж яслһн кегдх зөвтә. Энүнә төлә эн жил йилһж өггджәх зун арвн тавн сай арслнг мөнгәр тосхлтын министерств хаалһс яслһна һол көдлмш темдглж авв. Тер тоод цуг хаалһсин хөрн процентнь кергтә темдг зургдх. Хуучн темдгүд шинрлүгдх, хаалһд уга шин темдгүд кегдх. Үвлин кемд хаалһс хәләж яслһна болн талдан чигн эрк биш күцәх көдлмш темдглж авгдла.