Эндр Элст балһсна хургин дарани биш сүүр болв
Эндр Элст балһсна хургин дарани биш сүүр болв. Депутатнр ут-тоодан долан төрәр күүндвр кеһәд, ирлцнһү шиидвр батлж авв. Энергосервисиг эзнә медлд орулж авлһн хооран саагджана. Депутатнрин тоолврар, эн предприятин рыночн үн һурвн зун арвн дөрвн арслнг гиж тоолгдв. Эзнә медлд орулж авхин төлә, күсдундур минһн акц барлж һарһх зура бәәнә. Болв Ставропольрегионгаз «Энергосервисин» өриг авх аль угай медгджәхш. Келхд, ставрополихн акцин ик зууһин хулдж авх саната. Депутатнрин тоолврар, иим керг күцәхин өмн секәтә марһан кех кергтә, энүнә хөөн Энергосервисиг эзнә медлд орулхин төлә күүндж болх. Эндрк сүүрт болхла, эн предприятин тускар күүндвр болсн уга. Элст балһсна прокурор Андрей Пуловин темдглсәр, Әрәсән закаһар муниципальн предприятьмудын найн процентнь эзнә медлд орх зөвтә. Эннь ЖКХ-н халх шинрүлһнә нег әнгнь болжана. Кемр хотл балһсн иим неквр эс күцәхлә, хаврар мана танһчд әмтиг хуучн гермүдәс нүүлһж орулх программд дөрвн зун сай арслнг иршго.
