9 июля 2012, 15:20
Эндр Әрәсәд һашудлһна өдр гиж зарлгдв
Кубаньд болсн аюлын ашт әмнәсн хаһцсн улсин санл тодлхин төлә эндр Әрәсәд һашудлһна өдр гиж зарлгдв. Красндарск крайод усна аюлас көлтә зун далвн күн әмнәсн хаһцв. Тавн зун күн шавтад, эмчнрин дөн сурв. Бәәрн йосна элчнр болхла, хөрн минһн күн шавтв гиж зәнглжәнә. Июлин доланд сөөһәр асхад орсн хурас көлтә Геленджик, Крымск, Новороссийск балсһсдын, болн Красндарск крайин талдан чигн зәрм селәд усна аюлд харһв. Энд электрокүчнә, газин болн усар тетклһнә халхар боомтг учрсмн. Икәр асхад хур орснас көлтә иим аюл тенд учрв.
