Элстин нег уульнцин әмтн Масленица байр бүрдәж давулв
Давсн нарн өдр Масленица байриг үдшәлһнә нәр-наадн болв. Элст балһсна нег уульнцин бәәрн улс шуугата нәр-наад бүрдәв. Иим байр энд н зангшалд тохрв. Энүнд цуг уульнцин бәәрн әмтн нәәжнрән дуудв. Эдн хоровод бүрдәв, ду дуулад, олн-зүсн шуугата марһаст болн дөрлдәнд орлцв. Иим марһас Масленица байрин өдр болһнд нерәдж давулгдв. Бичкдүдт ухрт өндг зөөв. Түрүн ирсн күн дииләч болв. Эднә ахнр болн бөдүн улс болхла дер деер ноолдв. Дөрлдән һол даалһврнь — талдан күүг бахнас цокж буулһх кергтә бәәсмн. Күүкд үсән гүрәд, масленица байрин нег өдрин темдг үзүлв. Байрин төлә соломас кесн эмгн — Масленицан темдг олна оньг авлв. Уульнцин бәәрн әмтн энүг эврә һарарн кеж. Соломас кесн эмг шатахин өмн байрт орлцсн улс нег-негнәсн һарһсн гемән сурв. Юнгад гихлә, Масленицин сүл өдр — прошеное всокресенье гиж нерәдгднә.
