25 ноября, 05:57
 1 °C
89,89
75,81
  • АВТОНОМИЯ 100 ЛЕТ
  • ВЕСТИ
  • МЫ ВМЕСТЕ 2020
  • АВТОНОМИЯ2
  • АВТОНОМИЯ3
  • АВТОНОМИЯ4
Анонс
  • Вести «Калмыкия»: смотрите ежедневно на телеканале «Россия 1»
  • Главные новости Калмыкии в еженедельном выпуске «Местное время. Воскресенье»
  • Слушайте Радио России — 102,7 FM

Элстин билгтнр нарта-делкән фестивальд сән үзмж бәрв

Пятигорск балһснд “Времена года” нерәдлһтә бичкдүдин үүдәлтин нәәмдгч нарта-делкән фестиваль болв. Уйн наста көгжмчнр олн-зүсн номинацар билг-эрдмән үзүлв. Мана танһчас фестивальд Дорджина нертә Элст балһсна бичкдүдин көгжмин школын сурһульчнр орлцв.

Эн зургт “Лотос” ансамбль билг-эрдмән үзүлжәнә. Зевсгүдәр көгжм татлһна номинацд негдгч девснгин лауреатын нер зүүв. Бичкн көгжмчнр Моцартин үүдәсн “Менуэт” үүдәвриг жюрин оньгт тусхав. Элст балһсна көгжмин школын дәкәд хойр сурһульч Виктория Гушаева болн Эмилия Лиджиева онц марһанд хойрдгч болн һурвдгч девснгин лауреатын нер зүүв. Эмилия Лиджиеван келсәр, марһанд йилһән сән көгжмчнр орлцв. Болв хамльгин артистнр сән үзмж бәрв. Виктория Гушаеван келсәр, иим дөрлдәнд эндүһән медж авна. Юн дутжахнь ил медгдв.

Марһана хамгин баһ наста орлцач Ангелина Доржинова вокал номинацд “Мальчик-хулиганчик” нертә ду дуулад, хойрдгч орм эзлв. Ода Ангелина зуг долан наста. Энүнә эк-эцкнь көгжмд дуран өглһнд тусан күргв. Болв көгжмин школд зун ген жилдән оржана.

Дөрлдәнә талдан нег орлцач Юлиана Пыль бас эн номинацд негдгч девснгин лауреат болв. Жюрин оньгт композитор Петр Чонкушовин үүдәсн “Харада” нертә ду тусхав. Юлиана тавн настаһасн авн дуунд дуран өгв. Өсхләрн дууч болх саната.

Сурһульч Амулнг Антонова олн-зүсн марһаст призермудын тоод орла. Эн дөрлдәнд бас сән күцәмж бәрв. Нарта-делкән фестивальд Амулнг Классическ зевсг нертә номинацд негдчг орм эзлв. Иим сән үзмж бәрхин төлә ки көдлмш кеһәд, тохнята белдвр кех кергтә болв. Амулнг Антонован келсәр, дөрлдәнд орлцсн бичкдүд сән белдвр кеж. Иим марһанд орлцхд соньн болна.

Фортепиано классин багш Инга Караеван келсәр, марһанд орлцхин өмн өргнд бчикдүд үүмәд бәәв. Зәрм көвүд-күүкд иим ик чинртә фестивальд түрүн болж орлцжана. Тер бийнь бичкдүд билг-эрдмән үзүләд, мана танһчин нер сәәнәр харсв. Дорджина нертә бичкдүдин көгжмин школын фортепиано классин багш Инга Караеван келсәр, ямаран чигн марһан багшнрт, эк-эцкнрт болн бичкдүдт йоста шүүвр болна. Пятигорск балһснд соньн марһан болв.

“Времена года” нертә бичкдүдин үүдәлтин нарта-делкән фестивалин дииләчнр болн призермуд кубокар, медальмудар болн дипломар ачлгдв.

Ээнән Делгр, Колдан Церн

 Читайте наши новости в Одноклассниках!
Другие новости по теме
Вперёд
Социальная сфера

Политика

Образование

Культура

Спорт
Здравоохранение
Экономика
Происшествия