Элстд өвәрц мал аһрусна болн әмд эрвәкән соньн һәәхүл көдлжәнә

Эн өдрмүдт Элст балһснд өвәрц мал аһрусна болн әмд эрвәкән соньн һәәхүл көдлжәнә. Тер мет хол орн-нутгудас авч ирсн күрлин нертә моһа, хавхнт болн олн-зүсн сар мөч үзж болжана. Болв һәәхүлин хамгин өвәрц экспонат болж олн әмтн әмд эрвәкә һәәхжәнә. Энүнә тускар мана зәнгч келжәнә.

Соньн һәәхүлд дорд-өмн үзгин Азин, Америкин болн Африкин орн-нутгудас авч ирсн өвәрц эрвәкә үзж болх, тер тоод өмн үзгин Америкин эрвәкә хамгин ик болж һарчана. Эднә живрнь арвн зурһан — арвн нәәмн сантиметр күрнә. , әәхүлин бүрдәһәчнрин зөвшәләр, бичкдүд эрвәкәг болһаж көндәж чаджана. Тавн наста Айта эрвәкәг һартан авсн уга. Тер бийнь иим өвәрц эрвәкә үзхләрн икәр байрлв. Айта Сакаеван келсәр, эрвәкә йир таасгдна, кеер болхла эднә ардас көөлдж болх.

Соньн һәәхүл бүкл сардан Элст балһснд көдлх. Эн цагин эргцд кесг дәкж эрвәкән кесг арвн үй күүклнә. Онц темдглхд, нег эрвәкә зуг цөн өдр әмд бәәнә. Тегәд һәәхүлд ирсн әмтн эрвәкә яһж күүклдгинь үзж чадх. , әәхүлин бүрдәһәчнрин келсәр, өдр болһн ямаран эрвәкә күүклхнь медгджәхш. Эднә келсәр, эн һәәхүлд арвн-арвн негн зүсн эрвәкә бәәнә. Эдниг эс көндәхлә, эврәкә тас көндрлго сууна. Эдниг дару-дарунь авад, апельсина шүүсәр услнавидн, олн-зүсн зер-земшәс әмтән ус кеж өгәнәвидн.

Дәкәд болхла зургудын галерийн залд олн-зүсн өвәрц мал-аһрус үзж болх. Императорский удав, тигрин зүстә моһа, олн зүсн хавхнт бәәнә. Болв нааран ирсн улсин оньгиг бичкн Джонни нертә сар мөчн авлна. Ода Джонни нег жил һурвн сар наста. Хамгин икәр бичкдүд энүг үзхлә байрлна.