Элстд нарта-делкән фестиваль болх

Элст балһснд Хальмг танһч нәәжнртән үрвр кежәнә гисн нерәдлһтә нарта-делкән негдгч фестиваль болх. Энүнд Монһлын, Китдин, Израилин, Туван болн Бурятин бииһин ансамблмуд болн дуучнр орлцә. Мана танһчас фестивальд Гиляна Бембеева, Дмитрий Шараев, Бамб цецг болн Өөрднр ансамбльмуд билг-эрдмән үзүлх. Фестивалин бүрдәһәчнрин келсәр, иим керг-үүлдвр үүдәгч коллективмудыг, билгтә баһчудыг негдүләд, олн келн-улсин авг-бәрцлә өөрхн таньлдх арһ өгнә. Тер мет гиичнр хальмг улсин уул авьясла болн сйолла таньлдад, олн нәәжнр олж авхд туслна. Фестиваль сентябрин нег шинд болх. Тер мет эн өдр Хамг Монһл нертә талдан фестиваль эклх. Удл уга энүг хәләхин төлә билтетмуд хулдж авч болх. Келхд, нарта-делкән фестиваль жил болһн бүрдәж давулгдх гиж зуралгджана.