Элстд хальмг танһчин правительствин президиумин сүүр болв
Эндр Элстд Хальмг танһчин правительствин президиумин сүүр болв. Танһчин күцәгч органмудин һардачнр танһчин правительствин ахлач Игорь Зотовд кеж-күцәжәх көдлмшиннь туск тооцаһан өгв. Эндрк сүүр деер әмтиг усар тетклһнә болн ус оруллһна эдл-ахус делгрүллһнә туск төрмүд хәләгдв. Хальмг танһчин бәәцин-коммунальн эдл-ахун болн энергетикин министр Нелли Ткачеван келсәр Эн эдл-аху делгрүллһнә халхд ода деерән арвн жува арслнг кергтә. Альдас иим мөнг авхнь бас медгжәхш, юнгад гихлә Ар-Кавказин региональн округ делгрүллһнә программд хальмг танһч орсмн биш. Тегәд хальмг танһчин министрмудин өмн эврә төсв күцәлһнә ик күсл зогсчана. Эн жилин декабрь сарин 27-н күртл олна совет бүрдәх төр бас хәләгдв. Эндр өдрәс авн министрмуд долан хонг болһн цуглрж бачм төрмүдин тускар күүндвр кехмн.
