Элстд Хальмг танһчар бәәх следственн заллтын зөв-йос эвдсн керг-үүлдврин йовудт мөшкллһ Келһнә әнгин һардачин дарук Владимир Катнановур дәврлһ кесн йовдл илткгдв

Элст балһснд Хальмг танһчар бәәх следственн заллтын зөв-йос эвдсн керг-үүлдврин йовудт мөшкллһ Келһнә әнгин һардачин дарук Владимир Катнановур дәврлһ кесн йовдл илткгдв. Ведомствин зәнглсәр, нәәмдгч микрорайона 57-гч герин өөр таньдго хойр күн Владимир Катнановур дәврәд, күнд тоотар кесг дәкч цоксна хөөн зулад йовж одсмн. Эн йовдл Катнановин даажах үүллә залһлдата гиж ведрмствин көдләчнр тоолжана. Өдгә цагт эн зеткртә йовдлын керг-үүлдврин йовуд шинжлгджәнә. Мөшклһнә комитет зәнглсәр, күнд шав авсн Владимир Катнанов танһчин больницд орулгдсн бәәнә. Иим үүл даажах улсин зөв-йос эвдәд, эдниг шавтатг йовдл түрүн биш гиж гиж Әрәсән мөшклһнә комитин элч зәнглв.. Нурһлж иим йовдл Әрәсән өмн үзгин болн Ар-кавказин федеральн округин һазрмудт учрдг болжана. Эн әәмшгтә йовдл өцкүлдүр асхн декабрь сарин арвн нәәмнд асхн арвн нәәмн час, һучн минутин алднд учрсмн.