Элстд боксин марһан болжана
Эн өдрмүдт Элст балһснд уйн наста спортсменмүд дунд боксар Өмн үзгин федеральн округин марһан болжана. Энүнд арвн зурһан —арвн долан наста боксермуд дииләчн йилһжәнә. Элст балһснд зурһан регионас Астраханск, Волгоградск, Ростовск областьмудын, Краснодарск крайин, Адыгейин болн Хальмг танһчин уйн наста боксермуд ирж дөрлджәнә. Спортын бәәшнгд болжах соньн дөрлдән һурвн өдртән болх. Мартын доланд дииләчнр йилһрх.
Хальмг танһчин хотл балһсн сүл жилмүдт бичкн спортивн цутхлнгд хүврв. Ода балһснд олн-зүсн спорт делгрлт тавчана. Эн саамд Элст балһснд Өмн үзгин федерлаьн округин боксин марһан болжана. Энүнд округин хамгин сән гисн жирн йисн боксер диилчән йилһжәнә.
Танһчин спортын, туризмин болн баһчудын политикин министр Александр Гедерим келсәр, ода Хальмгт бокс бөк бәрлдлһнә спортла хамдан һол спорт болжана. Тегәд энүнә делгрлтд ик оньг өггджәнә.
Танһчин спортын, туризмин болн баһчудын политикин министр Александр Гедерим келсәр, боксар баатр-зөрмг көвүд соньмсжана. Эн марһанд спортсменмүд ямаран дамшлт хоршасан үзүлх зөвтә.
Марһанд орлцачнр дунд региональн марһасин дииләчнр болн призермуд бәәнә. танһчин боксин федерацин президент Церн Бельтриковин келсәр, Хальмг танһчин командын ханьд баһ наста боксермуд орв. Тер бйинь эдн дамшлтта болн билгтә спортсменмүд. Иим марһанд көвүд түрүн болж орлцжахш. Тегәд чигн эдн әәлго дөрлджәнә. үүмжәхш. Марһана йовудт эдн вэрәннь чидлән сөрж чадх, хаоршасн дамшлтан үзүлж чаджана.
Ноолдан болһнд хальмгин боксермуд зүткәтә харһлтын ашт диилвр бәржәнә. Өмн үзгин феедральн округин марһан Әрәсән чемпионатын шүүврин девснг болжана. Нарта-делкән специалистнр хальмгин баһ наста боксермудын дамшлт өөдлсинь темдглжәнә. Эннь Хальмг танһчд дамшлтта тренермуд көдлжәх герч болжана. Тер мет дорас өсж йовх билгтә боксермуд бийән сәәнәр үзүлжәнә. Дәкәд болхла Хальмг танһчд иим марһаг сән бүрдәмжтәһәр белдж давулна гид специалистнр келнә.
Әрәсән боксин федерацин техническ элч, нарта-делкән категорин зарһч Сергей Бердник келсәр, марһан болжах зал сән, цуг некврлә ирлцжәнә. Кемр иргчдән энүнәс ик чинртә марһан болхла, тер тоод арвн йисн-хөрн наста боксермуд дунд Әрәсән чемпионат давулх зура бәәнә. Энүнә төлә зал сәәнәр белдх кергтә. Ода хальмг танһчд хйор билгтә боксер бәәнә. Чингисиг Әрәсән марһанд үзж. Чикәр белдвр кехлә, эн көвүн сән үзмж бәрж чадх. Дәкәд нег боксер энүнд ноолдх. Эн көвүн цугәрәсән марһанд бас сән күцәмж бәрлә.
Уйн наста спортсменмүд дунд болжах Өмн үзгин федеральн округин боксин марһан манһдур төгсх. Энүнә диилчәнр Өмн үзгин федеральн округин командын ханьд Әрәсән чемпионатд орлцх зөв авхмн.
Бевина Мергн, Ирчин Алексей
