Элст балһснд Крымын улсиг дөннлһнә митинг болх
Эндр Элст балһснд Крымын улсин шиидвр дөннлһнә митинг болх. Энүг бүрдәж давулх седвәр олна элчнр оурлж өгсмн. Энүнд белдвр кехин тускар өцклдүр танһчин олна палатыын гешүд күүндв. Күүндврт келн-улсин сойлын цутхлнгудын элчнр орлцв. Дәкәд нег тодлад келхлә, Крымин улсин йирн долан процентнь Әрәсән негдхин тускар дууһан өгсмн. Хальмгин олна палатын төгрг ширән сүүрин ашт резолюц батлж авгдв. Сүүрт орлцачнр Украинд бәәх орс улсин зөв харслһна туск Әрәсән президент Владимир Путина хәләциг дөннв. Мы вместе — навеки нерәдлһтә митинг эндр Элст балһснд Диилврин талвнгд арвн нәәмн часла болх. Эндр Әрәсән президент Әрәсәд ханьд Крым орлһна тускар Федеральн Хургт дуудвр кев. Сүүрт Әрәсән субьектмудын һардачнр, тер тоод танһчин толһач Алексей Орлов орлцх.
