Элст балһснд хуучн гермүдәс әмтн шин герт нүүж орх
Элст балһснд Калачинская нертә уульнцд тосхгджах гер удл уга эдлврт орулгдх. Энүнд долан хуучн гермүдәс әмтн нүүж орхмн. Темдглсн болзгт сентябрин хөрн нәәмнд обьект эдлврт орулхин төлә ода тосхачнр хойр селгәһәр көдлжәнә. Шин герт цуг патьрмуд күцц кегдх. Хуучн гермүдәс нүүж ирх улс зуг эврәннь мебелян болн хувц-хунран орулх.
Ода тосхлтын обьектд көдлмш гүргүдән орчкв. Ода тосхачнр тавдгч двхрт тоосх экләд тәвжәнә. Сөөһәр көдллх әмтн герин дотр шалдарин болн цаһалһна көдлмш күцәхмн. Шин герт цуг патьрмуд күцц кегдлж эдлврт орулгдх. Нааран нүүж ирх улс зун мебелян болн хувц-хунран орулх.
Субподрядн организацин прораб Санл Авадаевин келсәр, ода сантехническ көдлмш кегджәнә. Усна сурвлжн татгджана, канализац болн дула өглһнә систем кегджәнә. Һурвн давхр күцц белн болв. Энүнд зун товчлгч шалдар кех кергтә. Энүнә хөөн төмр үүд углж тәвх, пол деер линолеум делгх.
Тер саамд ода электрокүчнә оборудовань углж тәвлһнә көдлмш төгсв. Эн долан хонгт газин хәәс углж тәвх. Шин герт патьр болһн эврә автономн дула өглһнә систем бәәнә. Тегәд эздүд дула эврән кемжәг.лж чадх. Специалистнрин келсәр, иим эв-арһар әмтн кммунальн туслмжин мөнг әрвлж чаджана. Шин герт Ленина нертә уульнцин зурһан герт бәәсн болн Клыковин нертә уульнцин арвн тавдгч герин әмтн нүүж орх. Ода шишлнг комиссь патьрмудыг хуважана. Шин герин проектыг хуучн герин то-дигәс кеж. Үлгүрнь, кемр өрк-бүл һурвн хората патьрт бәәсн болхла, иим өрк-бүлд бас һурвн хората паьр өггдх.
ДЕЗ учрежденя директор Санл Долановин келсәр, шин герт патьрмуд бооцаһар өггдх. Эзнә медлд бәәсн патьмуд сольгдад, энүнә орм шин патьр өггдх. Хуучн герт бәәсн паььрин аһуһар шин герт патьр өггдх зөвтә. Зәрм улс хуучн герәс ик патьр авх. Энүнә мөнгиг Элст балһсна бюджет даажана.
Калачинская нертә уульнцд тосхгджах герин төлә зун дөчн сай арслнг олзлгдв. Энүнәс ЖКХ-н халх шинрүлһнә сангас дөчн нәәмн сай арслнг ирв. Элст балһсна бюджетас йирн сай арслнг йилһж өггдв. Тер мет шин герт күрдг асфальтн хаалһ тосхгдх, һаза электрогерл шатх. Бичкдүдин төлә хойр наадлһан плошадк хулдж авгдв. Хотл балһсна һардачнр шин бүүрт орх улсла хамдан энд субботник кеһәд, эргдн аһу кеерүлх зурата. Энүнд урһмл модн, цецгүд тәргдх.
Ээнән Ольга, Ирчин Алексей
