Элст балһснд бичкдүдин хойр сад тосгджана
Өдгә цагт Элст балһснд өмн үзгин болн деед-ар үзгин райодт хойр бичкдүдин сад тосхгджана. Социальн ик чинртә обьектмуд тосхлһна йовудыг бүртклһнә органмуд шинжлж хәләжәнә.
Элст балһсна өмн үзгин болн деед-ар үзгин райодт олн улс бәәршлжәнә. Энд дошкольн учреждень уга болад эк-эцкнрт ик зовлнг болжана. Государственн надзорин инспекцин ахлач Владимир Васькина цәәлһсәр, энд тосхгдх обьектмуд цуг тосхлтын кемжәнд ирлцх зөвтә. лайф инспекцин ахлач Владимир Васькина келсәр, эн тосхлтын материалыг шинжлтд орулх кергтә. Лабораторь шинжлт кеһәд, специалситнр ирх зөвтә. Эдн шинжлж хәләнә.
Эндр өдрт энд негдгч давхрин тосхлт эклв. Тер мет бассейн тосхлһан көдлмш бас эклсн бәәнә. Тосхачнрин келсәр, августын нег шин күртл негдчг давхр босхж авх зура бәәнә. Обьект ик, архитектурн халхар жанһрта тосхлт болжана. Ода деерән цуг тосхлтын материалмуд темдглсн зураһар теткгджәнә. Ода көдләчнр котельна оборудовань углж тәвжәнә. Энүг Башкиряс авч ирв. Ода цуг кергтә коммуникац нааран орулгдв.
Элст балһсна тосхлытн заллтин директор Мергн Домбриновин келсәр, хойр зун арвн бичкдүд орх обьект ик. Архитектурин халхар жанһрта. Тосхлтын материалмуд цаглань авч иржәнә. Темдглсн зураһар көдлжәнә. Болзгтнь обьектмуд тосхгдх зөвтә.
Дәкәд нег бичкдүдин учрежденя тускар келхлә, эннь хйор давхрта гер болх. Энүнд хойр корпус хоорндан дулан хораһар залһлдх, энүнд ората бассейн көдлх. Энүнд зун зөрн көвүн-күүкн орж чаджана.
Участкин ахлач Андрей Болдыревин келсәр, ода электрокүчнә сунһуг орулгдв. Ода канализац кех кергтә. Оборудованя мөнгн өггдв. Хойр долан хонг болад котельня оборудовань ирх зөвтә. Бассейна ул нег сарин эргцд белдгдх зөвтә.
Муниципалитетын то-дигәр, ода хотл балһснд тавн минһн зурһан зун арвн һурвн көвүн-күүкн бичкдүдин садт орх чеерүдт зогсжана. Эн хойр обьект эдвлр орхла хурц төр хаһлгдх. Тиигхлә гертә көдлмш уга суусн экнр бичкдүдән садт орулж чадх. Ут-тоодан бичкдүдин хойр садын тосхлтын төлә хойр зун һучн сай арслнг йилһж өггдв.
Хальмгин государственн инспекцин ахлач Владмир Васькина келсәр, ода көдлмшин төсв белдж авх керг бәәнә. Тер мет бүртклһнә журнал бәәх зөвтә. Обьект төсвәр тосхгджана. Ода деерән дуту-дундс уга.
Темдглсн зураһар эн жилин декабрь сард эн хйор ик чинртә социальн обьект эдлврт орулгдх зөвтә. Энүг хотл балһсна эн райолдын әмтн тенкән уга гидгәр күләжәнә. Эн залу күүнә келсәр, эн районд бәәсн улст сән таалта болх. Шин сад әмтнә бәәдл-жирһлин таал ясрулх. Шин районд сад уга. Хомутниковин уульнцд бәәх садт дегд күн дала оржана. Баһ наста өрк-бүлмүдт сән болх гиж күүкд күн келнә.
Тосхачнрин цәәлһсәр, жошкольн учрежденьст спортын болн көгжмин заалмуд көдлх, бассейн, бичкдүдин плошадкс болн өдгә цагин некврлә ирлцәтә наадлһна комплекс тосхгджана. Тер мет хот кедг шин оборудовань углж тәвгдхмн. Эк-эцкнрин төлә дошкольн учрежедньсин өөр машид тәвдг зогсал бас тосхгдх.
Гольдина Ирина, Котина Валерий
