Экнрт бичкдүднь һурвн нас күртл дөнцл мөнгн өггдх

Ода Хальмг танһчин баһ наста экнр үрнь һурвн жил күртл асрмжин дөнцл мөнг авх. Өдгә цагт декретн амрлһнд экнр һурвн жилдән һарна, зуг эдн авчасн жалвин дөчн процентинь күсдундур жилдән авна. Тегәд экнрин ик зунь күсдундур жил болад көдлмштән һарна. Энүнәс көлтә бичкдүдин садмуд орм күртхш. Ода садмудт бичкдүдын то дегд ик, энүнд орхин төлә нилх төрснәс авн чеерүдт зогсх кергтә болна. Эс гиж көвдү-күүкд тас садт орж чадшго. Тер мет дару-дарунь үрнь гемтсн экнр көдлмш дутахла предприятин һардвр дурго болна. Тегәд чигн декретн амрлһна болзгиг һурвн жил күртл кехин туск закан Әрәсән Государственн Думд орулж өггдв. Болв шин закан Әрәсән аһуд нег кемд үүлдврт орсн уга. Зәрм регионмудт иим закан хойр минһн арвн хойрдгч жилин январин нег шинәс авн үүлджәнә. Эн жиләс авн үрнь һурвн нас күртл сар болһн өгдг дөнцл мөнг Хальмг танһчин экнр экләд авхмн. Тер мет мана танһчд бичкдүдин талдан дөнцл мөнгнә кемжән бас икдв.