6 марта 2013, 15:18
“Динамо” спортын комплекст күүкд улсин спартакиад болжана
Эндр нарт делкән күүкд улсин өдрин өмн өргнд “Динамо” нертә спортивн залд зөв йосна органмудт көдлжәх күүкд улс дунд тогтсн авьясар жил болһн давуллгдг спартакиад болжана. Энүнд 15 команд орлцжана, тедн дунд Приютненск, Лаганск, Яшкульск, Городовиковск болн Баһ Дөрвдә райодын элчнр. Ут тоодан зун тәвн күн. Дөрлдәнә орлцачнр зурһан марһанд дииләчән йилһхмн: эннь дартсин, пневматическ бууһас халһна, гүүлһнә, волейбол болн талдан чигн спортын дөрлдәнд дииләчән йилһжәнә. Спартакиадын аш эндр асхн медгдхмн.
