Деед сурһульд орх шүүврин списк сольгдв

Әрәсән цуг деед сурһуль февралин арвн тавн күртл абитуриентр эн жил ямаран шүүвр өгхинь барлв. Эн жил школан төгсжәх көвүд-күүкдин болн эднә эк-эцкнрин төлә му зәнг ирв. Кесг жилдән шүүвр өгхәр белдвр кежәсн баһчуд эн жил тас талдан шүүвр өгхмн. Эн жилин январь сард Әрәсән эрдм-сурһулин министерствд зәрлг батлж авгдв. Эн зәрлгәр деед сурһульд орх шүүврин спискд сольвр орулгдв. Иим сольвр хуучн эрдмин ормд шин эрдм орулһнас болн ик чинр зүүдго эрдмиг сольжахас иштә орулгджана. Эн жил Әрәсән цуг деед сурһуль хуучн диг-дараһар көвүд-күүкдиг деед сурһуль орулж авх неквр өгв. Шин зокал ирг жиләс авн үүлдврт орх зөвтә. Тер бийнь зәрм Әрәсән деед сурһуль эн жил абитуриентнр өгх шүүврин спискиг сольв. Үлгүрнь, Тюменск государственн университетд хойр предметар шүүвр сольгвд, Белгородск университетд арвн йисн эрдмәр шүүвр сольгдж. Хальмгин университетд сольвр болж аль угай? Эн жил танһчин деед сурһульд орхин төлә ямаран шүүвр өгхин тускар мана асхни һарцд хәләж болх.