Дәкнәс худл мөнгн илткж авгдв
Элст балһснд дәкнәс худл мөнгн илткж авгдв. Худл мөнгн орж ирсн туск зәнг нег банкин специалистас хотл балһсар Әрәсән МВД-н дежурн әнгд орж ирв. Эн өдр нег хулд-гүүлгәнә предприятас орж ирсн тавн минһн цаасн мөнгн банкин көдләчиг алмацулв гиж мөшклһнә оперативн баг илткв. Әрәсән банкин мөнгнә билет илткж авгдад, Хальмг танһчар МВД-н шинжлһнә криминалистическ цутхлнгд йовулгдв. Ода полицин көдләчнр эн зака эвдсн йовдл илткж авхин төлә цуг оперативн хәәврин керг-үүлдврмүд күцәжәнә. Хулд кехләрн саг бәәтн гиж Хальмг танһчин МВД танһчин цуг улст дуудвр кежәнә. Кемр иим худл мөнг илткж авхла, тер дарунь дотр-дундын кергүдин органмудт зәнглтн, иим мөнгәр хулд бичгә кетн гиж полицин көдләчнр саглулжана. Кемр иим худл мөнг олзлхла, эн күн Әрәсән закаһар засгла харһулгдх зөвтә.
