Целинн районд фестиваль болжана
Эн өдрмүдт Сайгачонок лагерьт Луч добра нертә сойлын фестиваль болжана. Энүг инвалид бичкдүдин төрмүдт олна элчнр оньган өгхин төлә бүрдәж давулгджана. Энүнә тускар тодрхаһар мана сюжетд келгджәнә.
Татьяна Бюрчиева эврәннь Альмн күүкән фестивальд хойрдад авч иржәнә. Эн күүкд күүнә келсәр, күүкнднь иим керг-үүлдвр таасгджана. Бичкн күүкн талдан көвдү-күүдлә наадад, зурдг эрдм дасжана, дуулна биилнә.
Татьяна Бюрчиеван келсәр, иим фестивальд хойрдад орлцжана. Давсн жил бас иим керг-үүлдвр болсн билә. Йир таасгдв. Олн-зүсн наад наад, сән хот-хоолар теткгдв, цевр аһар киилв. Иим фестиваль кергтә. Бичкдүд хоорндан харһад күүнднә.
Луч добра нертә сойлын эмнүлһнә фестиваль Целинн районд хойрдад бүрдәж давулгджана. Мана танһчд иим керг-үүлдвр эврәннь зөрүлтәрн өвәрц болжана. Иим фестиваль бүрдәх седвәриг района инвалидмудын ниицәнә ахлач Валерий Решетников татсмн.
Района инвалидмудын ниицәнә ахлач Валерий Решетниковин келсәр, инвалид бичкдүдт онц оньг тусхахин төлә иим керг-үүлдвр бүрдәж давулгдна. Иим фестиваль бүрдәх кергтә. Талдан райодын һардачнр бас иим төрт оньг тусхаж, бас иим керг-үүлдвр бүрдәхлә сән болх.
Энүг инвалид бичкдүдин төрмүдт олна элчнр оньган өгхин төлә бүрдәж давулгджана. Фестиваль бүрдәлһнд улсин социальн харслтын әнгин, сойлын, бичкдүдин үүдәлтин цутхлнгин, бичкдүдин спортивн школын болн района больницин көдләчнр орлцв. Эмнүлин болн наадһлһна программ бичкдүдин амрлһна төлә, болн эднә эрүл-менд батрлуһна, шин нәәжнр олж авлһна болн эврәннь билг-эрдмән делгрүлһнә төлә бүрдәж давулгджана. Ут-тоодан нааран дөчн күн ирж орлцв.
Танһчин эрүл-менд харлһан министерствин Целинн района улсин социальн харслтын әнгин ахлач Любовь Шалхакован келсәр, иим фестивалин йовудь көвүд — күүкд цевр аһарт наадад, цогц-махмудан батрулна. Энүнд эдн олн-үзсн спортивн марһаст орлцх, сойлын керг-үүлдврмүд эднә төлә бүрдәгдх. Медицинск халхар бас туслмж күрггдх.
Фестивалин һол күцлнь — инвалид бчикдүдин төрмүдт олна элчнр оньг өглһнә, эднә зөв харслһна төлә бүрдәж давулгджана. Целинн РМО-н админстрацин толһач Виктор Джанджиевин келсәр, иим керг-үүлдвр двулж бүрдәснә хөөн инвалид улст олн улс тас талданар хәләж, талдан эрүл улсла әдл гиж эдниг тоолх зөвтә.
Целинн РМО-н администрацин толһач Виктор Джанджиевин келсәр, иим бичкдүдт онц оньг тусхах кергтә. Эдн оньдин инәһәд манна-тиньгр бәәтхә.
Фестиваль байрин бәәдлд секлһнд туг өргх күндтә зөв Звезды России нертә инвалид бичкдүдин цугәрәсән марһана лауреатмуд Александр Кондрашов болн Ильдар Мингалиевд өггдв. Көвүд-күүкд һурчн өдртән шуугата нәр-нааднд орлцх. Фестивалин программар олн-зүсн наадд, спортивн марһаст дөрлдх, концерт хәләх, бассейнд өөмх, асхн дискотект сул цаган сергмжтәһәр давулх.
Александр Кондрашовин келсәр, энд йир икәр таасгдв, олн нәәжнр олж авв.
Ильдар Мингалиевин темдглсәр, иим фестиваль йир сән болна. Көвүд-күүкд таньлдад, нәәжнран олж авна. Дөрлдәнд орлцхд соньн болв.
Инвалид бичкдүдт бидн онц оньг өгч килмжән тусхах зөвтәвидн гиж фестивалин бүрдәһәчнр келнә. Иим керг-үүлдвр талдан улст үлгүр болж, иргч жилд иим фестивальмуд талдан чигн райодт бүрдәж давулгдх гиж санжанавидн.
