4 декабря 2013, 15:38
Цасн орад, киитрәд үвлин бәәдл һарв
Хальмгт цасн орад киитрәд, йоса үвлин бәәдл һарв. Машина эздүдт үүмдг цаг ирв. Ода зунын төгәг үвлин төгәд сольх кергтә. Ода хотл балһснд иим көдлмш кедг мастерской дала. Тер бийнь эн өдрмүдт энүнд ик чеерүд цуглржана. Эндр өрүн машина төгә сальхд дегд күнд болж одв. Ик эртәснь киитн иртл иим көдлмш кесн машина эздүд ода санамр бәәнә.
Тер саамд түрүн цасн федеральн хаалһст машидын йовһлнд бомтг болсн уга. Ар Кавказин хаалһин заллтин то-дигәр, ода федеарльн хаалһст өдр-сө уга шишлнг техник көдлхдән белн бәәнә. Киитрәд хаалһс хальтрата болснас көлтә энүнд шишлнг элсн болн давсн цацгджана.
