Бәәрн епархий эн жил ямаран үүлдврмүд күцәснә аш диглв
Давжах жилин хамгин һол аш ямаран болв гисн сурврт би ик байрта бәәнәв гиж Элстин болн Хальмгин епископ Зиновий хәрү өгв. Бәәрн епархийн болн журналистнрин хоорнд болсн харһлтын йовудт Хальмг танһчд православн һардвр эн жил ямаран үүлдврмүд күцәснә ашин тускар күүндвр болв. Давжах жилд епархийн болн муниципальн, государственн олн-зүсн органмудла хамцу үүлдврин зөвшләт батлж авгдв, православн үүлдәчнр олн-зүсн буйнчседвлин керг-үүлдврмүдт орлцв. Хальмгин православн һол чонжд өдр болһн ик мөргүлд күцәгддг болв гиж олн улс келнә.Эннь православн шажнд сүзглдг улст байрта зәнг болжана. Болв владыка Зиновий темдглсәр, ода Элст балсһна Казанск кафедральн чонжд мөргүлд орлх саната улс цугтан багтжахш. Тегәд епископ Зиновий тоолврар, Элст балһснд әрүн Пантелеимона ик чонж бәрх кергтә. Энүнә тускар Цугәрәсән болн Москван патриарх Кирилла болсн харһлтд күүндвр болсн билә. Тер мет иргчдән Элст балһсна микрорайодт бичкн чонжс бас тосхх төр тәвгджәнә. Харһлтын йовудт журналистнр епископ Зиновийд талдан чигн сурврмүд өгв.
