Бруцеллез гемлә ноолда келһнә төр правительствд хәләгдв
Танһчин правительствин президиумин дарани сүүрт эндр бруцеллез гемлә ноолда келһнә төр һол төр болв. Эн төрәр танһчин ах санитарн эмч Константин Яшкулов доклад кев. Давсн жилд Хальмг танһчд түрүн болж тәвн негн күүнд бруцеллез гем илткгдв. Эннь зун минһн күүнә тоод арвн нәәмн шаху процент тогтав. Иим гем әмтнд гемтә малас эс гиж малын махнас хальдна. Закаһар эс темдглсн һазрт махна болн үснә зүүтә продукц хулдж авх керг уга гиж Роспотребнадзорин специалистнр гетлүлжәнә. Хойр минһн арвн хойрдгч жилд Хальмг танһчд хойр минһн дундур өвртә бод малд бруцеллзе гем илткгдв. Иим әәмшгтә гем тархалһна һол учрнь — олан малын то диг мууһар келһн, эс шинжлгдсн м ал сүргт орулһн болн иткүлин цаасн угаһар мал зөөж һарһлһн болжана. Иим күнд бәәдл тогтснас иштә бруцеллез гемәс саглулһна болн энүнлә ноолда келһнә комплексн зура специалистнр батлж авв. Энүг танһчин правительствин хәләврт орулж өгхмн.
