Билгтә бичкдүдиг дөннх кергтә

Танһчин эрдм-сурһулин, сойлын болн номин министр Лариса Васильеван келсәр, билгтә бичкдүдиг дөннлһнә, иим көвдү-күүкдлә шин эв-арһ олзлж көдлһнә болн баһ наста билгтнрин систем делгрүлһнә зүүцүлһнә хүүв бүрдәлһн билгтә бичкдүдиг илткж авлһнд, эдниг дөннж делгрүлһнә сән нилчән күргх зөвтә. Иим хүүвин көрнг болж негдсн зәнглһнә портал үүлдх зөвтә. Энүнә дөнгәр эк-эцкнр хүүвин көдлмшин тускар болн билгтнриг дөннлһнә тускар медж авхд туслх. Шишлнг программ күцәхлә, номин болн шинжлтын көдлмш бас кегдх. Танһчин, цугәрәсән марһасин болн фестивальмудын орлцачнр диилрв бәрнә, призермудын тоод орна. Эднд цуг йосна органмуд кергтә оньг тусхах зөвтә. Билгтнриг мөнгәр дөннәд, эрдмин болн үүдәлтин халхар девшхд сән таал бүрдәх кергтә.