Бичкдүдиг машинд зөөлһнә зокал эвдсн жолачнриг бүрткв

Эндр Хальмг танһчин аһуһар “Ребенок-пассажир” нертә хаалһар әәмшг уга йовлһна арвн хонгин керг-үүлдвр эклжәнә. Эн керг-үүлдврин йовудт насни дигт күрәд уга бичкдүдиг машинд зөөлһнә зокал күцәлһнд онц оньг тусхагджана. ГИБДД-н көдләчнр эрдм-сурһулин учрежденьсин өөр рейдмуд күцәжәнә. Эндр хаалһин инспектормуд Элстин Мартын нәәмн нертә уульнцд бәәх хөрн доладчг бичкдүдин садын өөр шишлнг рейд кев. Энүнә ашар насни дигтә күрәд уга бичкдүдиг машинд зөөлһнә зокал эвдсн арвн хойр жолачин тускар административн керг күцәгджәнә. Зуг нәәмн эк-эцкнр эврәннь бичкдүдән шишлнг автосуддлд авч ирсн бәәж. Бичкдүдин әәмшг уга бәәлһнә арвн хонгин керг-үүлдвр экләд күцәгдснәс авн административн засгла һучн дөрвн маши залач харһулгдв.