Баһ наста багшнрин слет болжана

Эн өдрмүдт хальмг танһчд баһ наста багшнрин слет болжана. Энүнә һол күцлнь бүрдәһәчнрин тоолврар, дамшлтарн хувалцлһн болжана. Өдгә цагин багш цагин жисә дахж ард хоцрх зөв уга. мана үүдәгч баг баһ наста специалистнрин нег сурһульд орлцв.

Телевизионн сонсхврмудын һардачин көдлмшиг баһ наста багшнр күцәв. Эн даалһвриг багшнр сәәнәр күцәв. Энүнд цуглсрн улс альхан ташад герч болв. Энүнә хөөн учрсн йовдлын тускар репортаж кех дааһлвр өггдв. Иим дааһлвр дамшлтта багшнр баһ наста эрдм-сурһулин көдләчнрт сурһулин йовудт өгв. Информатикин багш Аркадий Муниев кичәлмүдтән үүдәчг кевәр белдсән үзүлв. Энүнә келсәр, өдгә цагин сурһульчнрт зуг компьютер олзлх сурһуль баһ болжана. Дорас өсж йовх баһчуд немр медрл авх саната.

Элстин арвдгч школын информатикин багш Аркадий Муниевин келсәр, кемр күн дурн күрхлә, ю чигн кеж чадх. Энүнә төлх өдгә цагин аппаратур кергтә, видеокамер, штатив. Арвдгч тойгта школд иим кергиг баһ наста багшнр дөннв. Эдн ик байрта бәәнә.

Аркадий Муниевин тоолврар, өдгә цагин багш цагин жисәнлә ирлцж көдлх зөвтә. Танһчин багшнрин ниицәнә хамгин һол дөн-түшг болгч баһ наста багшнр Сайгачонок лагерьт эврәннь дарани дөрвдгч слетд цуглрв. Энүнд секәтә кичләмүд эдн өгв, мастер-классмудт орлцв, олн-зүсн спортивн марһаст дөрлдв. Цуг эн тоот болн соньн керг-үүлдврмүд баһ наста багшөнрт көдлмштнь немр урмд өгх. Энүнә тускар баһ наста багшнрин форум секжәһәд танһчин эрдм-сурһулин, сойлын болн номин министрин дарук Раиса Дякиева келв.

Хальмг танһчин багшнрин мергжлт өөдлүлһнә институтын олна дисциплина кафедрин багш Вера Дадинован келсәр, эрдм-сурһулин шин закан күцәгдхлә, школьн эрдм-сурһульд неквр бас өсжәнә. Ода сурһулин йовуд медрл авлһна болн сурһмж өглһнә хйор һол төрәс тогтх зөвтә болжана. Энүнд багшнр цугтан белн болх зөвтә.

Дәкәд болхла багшин эрдм шүүж авсн көвүд-күүкдт государственн дөн кергтә болжана. Ода иим дөн эднд күрггджәнә. Эн туст мана танһч болн бәәрн муниципалитетмуд баһ наста багшнрт кергтә нөкд болжана.

Танһчин толһачин зәрлгәр баһ наста багшнр тәвн минһн арслнг дөнцл мөнг авчана. Ода арвн нәәмн күн иим дөн авв. Дәкәд найн баһчуд иим мөнг авхар чеерүд зогсжана. Эн жил танһчин школмудт зун арвн баһ наста специалист ирж көдлжәнә.

РМО-н администрацин элчин зәнлсәр, ода Целинн районд баһ наста багшнрт дөнцл мөнг арвн тавн минһн арслнг күртл икдүлх шиидвр авгдв. Тер мет арвн зурһан специалистд һазрин участк йилһж өггдв. Баһ наста багшөнр эврәннь эрдмин тускар иигж келнә.

Эн күүкнә келсәр, бийннь төлә һурвн к нертә янз шүүж авч. Эннь сурһульчнрла залһлда чикәр бәрлһн, шин уха-сана күцәлһн болжана.

Багшнрин слетд болсн күүндвр энүгәрн төгсшго. Удл уга баһ наста багшнрин арвн хонгин керг-үүлдвр болх, дамшлтта специалистнр мастер-класс өгх. Постижение нертә клубын зурад талдан чигн керг-үүлдврмүд бәәнә.

Чучян Валентина, Очра Сергей