Автономн дула өглһнә системд социальн обьектмуд орулгдх
Танһчин социальн обьектмудыг автономн дула өглһнә системд эн жилин чилгч күртл орулһна төлә Хальмг танһчин правительств йирн һурвн сай арслнг йилһж өгх зөвтә. Ода танһчин райодын муниципальн бүрдәцд олн-зүсн эзнә чинртә зун арвн һурвн обьект болн зун арвн нәәмн олн патьрта гер хөрн йисн котельнас дула авчана. Иим котельнс хуучрад эвдржәнә. Хойр минһн арвн негдгч — хойр минһн арвн тавдгч болн хойр минһн хөрдгч жил күртл энергий әрвлһнә болн энергетическ халхар олз-тусинь өөдлүлһнә танһчин программар бюджетн халхин обьектмудыг автономн дула өглһнә системд орулһн һол керг-үүлдвр болжана. Иим керг-үүлдврмүд күцәхлә дулан әврнәр олзлгдх, газ олзлһна кемжән баһрх, дула өглһнә турвас татх керг уга болх, эдниг ясж хәләһнә көдлмш кегдшго. Эндр өдрт нәәмн обьектд автономн дула өглһнә системд орулһна көдлмш күцц төгсв. Йисн обьектд иим көдлмшин өрәлнь кегдв. Хойр минһн равн һурвдгч жилд арвн йисн котельн хаагдх, далн нәәмн обьект болн һучн тавн олн патьрта гер автономн дула өглһнә системд орулх зура бәәнә.
