Анастасия Барикова эврәннь жирһлин тускар келж өгв

Анастасия Барикова талдан хальмг улсла әдл киитн Сиврүр туугдсн билә. Медәтә күүкд күн эн цаган тодлхд дурлхш.

Хальмгин күүкд улсин хүвд цаажла харһсн амр биш цаг тусв. 1З жилин эргцд күүнә һазрт бәәж күзүцә зовлн үзж, хәрж ирх саната дангин бәәсмн. Анастасия Лиджиевна Барикова тодлсар минһәд күн көлдәд, харһмнад, күнд көдлмшәс көлтә әмнәсн хаһцад бәәв. Тер күнд цагт нег-негндән дөн болж әмд һархар зүткдг бәәсмн. Сиврүр нүүлһгдсн кемд Анастасия арвн наста бәәсмн. Эк-эцктән ууһн күүкн бәәсмн, энүнә хөөн дәкәд 5 ах—дү бәәсмн. Бичкн Настяг болн 5 наста Савелиг бичкдүдин герт йовулх һундлта саам эк-эцктнь учрв. Тенд туссн олн бичкдүдлә мет эдн бас зовлн үзв. Анастасия дүүдән эврәннь хүв өдмгән өгж өскж авсн болжана.

Ямаран чигн күнд бәәдл тогтсн бийнь Анастасия итклән геелго, сән иргчин тускар ухалдг билә. Йириндән Настя школд сәәнәр сурдг билә. Тегәд сурһулян йилһән сәәнәр сурдг күүкнд бүшмүд белглж өгснә тускар эндр өдр күртл санна. Анастасия Лиджиевна зурһан күүкдән өскж, ода дурта ээж болжана. Цуг өөрхн элгн-саднь ирж төгрг ширә эргәд сууһад күр-күүндвр кеһәд сууснас ах байр уга гиж тоолжана.

Ачнр-зеенрән, жичнрән ээжнь байрлулж олн-зүсн шимтә хот-холар байрлулна.

Арвн наста Амрана келсәр, ээжин бәәдл-жирһлин туск келвр сонсхд соньн болн өврмжтә болна. Ода найн дөрвн наста болв чигн шулун—шудрмг, күүкдтән түшг болж сүв-селгәрн нөкд болна.

Ээнән Дельгр, Очра Сергей