13 июля, 08:00
 33 °C
80,27
71,23
  • АВТОНОМИЯ3
  • МЫ ВМЕСТЕ 2020
  • ВЕСТИ
  • АВТОНОМИЯ4
  • АВТОНОМИЯ2
  • АВТОНОМИЯ 100 ЛЕТ
Анонс
  • Вести «Калмыкия»: смотрите ежедневно на телеканале «Россия 1»
  • Главные новости Калмыкии в еженедельном выпуске «Местное время. Воскресенье»
  • Слушайте Радио России — 102,7 FM

Машидын техническ хәләвр шин закаһар күцәгдх

Тадн танһчин зәнг шуд эфирт хәләжәнәт. Һарцан цаарандан өгчәнәвидн. Машидын техническ хәләвр шин закаһар күцәгдх. Тарифмудын федеральн церглт техническ хәләврин мөнгнә кемжә тогтав. Эн кемжән урдк тарифас икәр сольгдшго. Шин закан иргч жилин январин нег шинәс авн үүлдврт орх.

Ода деерән энүнә зуг хар-цаһан өнгтә эскиз белн болв. Иргч жилин январин нег шинәс авн техническ хәләврт машиһан орулсн жолачнр шин талон авхмн. Энүнә кемжәнь тер кевәрн үлдв, зуг өнгнь сольгдв. Ода шин талон зуг ноһан өнгтә болх. Урднь автоинспекцин көдләчнрт эвтә болх гиһәд, энүнә өнг сольгддг билә. Шин талонд немр зәнг бичгдх, харслһна бат эв-арһ олзлгдх.

Техническ хәләврин пунктын генеральн директор Савр Пюрвеевин келсәр, шин талонд ноһан өнгтә голографическ темдг орулгдх. Тер мет энүнд машина марк, модель заагдх, тойгнь бичгдх.

Әрәсән субьектмудын государственн йосна күцәгч орган иргч жилд машидын техническ хәләврин тарифмуд тогтах. Эн тариф күцәсн көдлмшин кемжәнәс болн машина маркас тогтх. Ода деерән эн көдлмш кедү күрхнь медгдәд уга. Тер бийнь машина эздүд урдк жилмүдлә әдл мөнг өгх. Тарифин үн икдшго. Өдгә цагт техническ хәләврт машиһан орулхин төлә һурвн зун арслнг шангд өгх зөвтә болн хәләвр кедг пунктд һурвн зун арслнг өггднә, ут-тоодан зурһан зун арслнг. СНХ Техническ хәләврин межрайонн багин государственн ах инспектор Санл Лиджиевин келсәр, регион болһн эврә мөнгнә кемжән орулгдх. Эн кемжән машидын тооһас болн талдан чигн некврәс тогтна. Мана танһчд эн кемжән зурһан зун — долан зун арслнгас үлшго.

Талона болзгнь урдк кевәр үлдх. Шин автомобильмүдт иим талон һурвн жилдән үүлдх, һурвн жиләс авн долан жил күрсн машид хойр жилдән техническ хәләвр уга йовж чадх, доланас даву жил гүүсн машид нег жил болад хәләврт орх зөвтә. СНХ Жолач Олег Мантеевин келсәр, иим неквр мел чик. Эннь заканла ирлцжәнә. Ода хаалһст йир күнд бәәдл тогтв. Тегәд машид эвдрлт уга болх зөвтә.

Әрәсән шин закаһар техническ хәләврт ГИББД-н көдләчнр орлцшго. Техническ хәләвр күцәх оператормудт көдлх цаас автодаатхлһна Әрәсән ниицән өгхмн. Шин закан Әрәсәд иргч жилин январин нег шинәс авн үүлдх. Автодаатхлһна Әрәсән ниицән иим олн оператормудыг цаглань белдж чадхий аль угай? Нег үлү, ода деерән шин зака күцәх ирлцнһү цәәлһвр һарад уга. Техническ хәләвр ямаран таалд күцәгдх зөвтә, иим көдлмш күцәх организацст ямаран неквр тәвгдх — эннь сәәнәр медгдәд уга. Иргч хойр жилд шин закан яһж көдлхинь шинжлж хәләх. Эндр өдрт Элст балһснд техническ хәләвр кедг зуг хойр пункт көдлжәнә. Удл уга эднә то икдх зөвтә. Иим пунктмуд машидт техническ тетквр кедг станцин улд секгдх зөвтә. Иим олн пункт көдлхлә, техническ хәләврт орх чеерүд цуглршго. Шин закаһар техническ хәләврт орсн машин эдлврт орж чадх. Эннь һол неквр болжана.

 Вступайте в нашу группу Вконтакте!
Другие новости по теме
Вперёд
Социальная сфера

Политика

Образование

Культура

Спорт
Здравоохранение
Экономика
Происшествия