Әрәсән байрин өдрлә 22 көвүд күүкдт паспорт авв

Июнь сарин арвн хойрт Әрәсән байрин өдрлә Элстд Хальмг Танһчин дотр -дундын кергүдин министерствд 14 нас күрсн 22 көвүд күүкдт паспорт бәрүлж өгв. Байрин керг үүлдврт дорас өсч йовх баһчудын эк эцкнр болн өөрхн элгн саднь ирсн билә.

Хальмгин дотр дундын министерствд болсн керг үүлдврт көвүд күүкдин байринь хувалцхар эднә эк эцкнрнь болн талдан организацсин элчнр ирсн билә. Тедн дунд миграционн церглтин әнгин специалистнр, Хальмгин дотр дундын министерствин ветеранмудын ниицәнә ахлач Виктор Улюмджанов, МВД медлд бәәх олн әмтнә ниицәнә ахлач Владислав Озаев, Хальмг Танһчин баһчудын министерствин ахлачин дарук Дмитрий Халхинов.

Дмитрий Халхиновин келсәр баһчудын төлә бүрдәгдсн байр йир сән. Тер юнгад гихлә эдн ода паспорта болв.

Эн керг үүлдвр әрәсн байрин өдрлә ирлцв. Тер юнгад гихлә эндр өдр кергтә цаасан авсн баһчуд орн нутгтан туста улс болж өсх. Паспорт авсн баһчудт ирсн гиичнр әрәснзакана тускар цәәлһвр кесн билә. Эндр өдрәс авн эдн эк эцкнрән дөөнәд бәәх зөвтә. Баһ наста көвүд күүкдт хальмг танһчин дотр дундын министр Баатр Гиндеев паспортнь һартнь бәрүлж өгв.

Эк Наталья Сангаджиевнан келсәр эн байрта өдр болжана. Паспорт авсн баһчуд энд өдрәс авн бийән бәрх зөвтә.

Хальмгин дотр дундын министерствин ветеранмудын ниицәнә ахлач Виктор Улюмджановин келсәр паспорт авсн баһчуд орн нутгтан туста улс болад өсх зөвтә. Эндр өдрин кесн кергүдәс мана орн нутгин бәәдл тогтагдх.

Дәкәд болхла эн өдр хальмг Танһчд ах федеральн инспекторин үүл күцәжәх Өмн үзгин федеральн округин Әрәсән президентин аппаратын элч Александр Беляев Әрәсән президентин нерн деерәс йирн нас зүүж йовх Ефросинье Абрамцевой йөрәлин бичгән илгәв.

Ач көвүн Андрей Абрамцев ханлтан өгрж, йөрәлин үгән хурсн улст бас нерәдв.

Ефросинья Андреева Ростовск областьд төрж һарв. Хальмг Танһчд Багшар көдләд Цөн жил бәәсн билә. Бәрүлж өгсн йөрәлин бичкдән удан цаг Ефросинья Андреевна умшв. Хөөн хурсн әмтиг Әрән байрин өдрлә йөрәсн билә.

Коладан Наталья, Хавтхна Анатолий