1 июня, 09:11
 24 °C
78,55
70,75
  • МЫ ВМЕСТЕ 2020
  • ВЕСТИ
Анонс
  • Вести «Калмыкия»: смотрите ежедневно на телеканале «Россия 1»
  • Главные новости Калмыкии в еженедельном выпуске «Местное время. Воскресенье»
  • Слушайте Радио России — 102,7 FM

Күүкд улсин байрт нерәдсн “Автоледи” марһан болв

Өдр ирвәс күүкд улсин байр өөрдж йовхнь ил үзгднә. Хаврин эклцәр Әрәсән залу улс күүкд улсиннь төлә цецгүд хулдж авна, белгүд хәәж авдг йоста. Тер саамд күүкд улс залу улсас ард үлджәш. Тер тоод автомобиль залдг эрдм дасж авсмн. Элст балһснд “Автоледи” нертә марһан болв.

Марһана зокал тодрха кеәвр цәәлһж өгснә хөөн болн дөрлдәнә бүрдәһәчнрт өгсн цөн сурврмудын хөөн “Автоледи” нертә марһана нәәмн орлцач дөрлдәнд белн болв. Энүнә өмн хаалһин зокалын теоретическ марһан болсн билә. Энүнә ашнь марһана товчлгч ашт орхмн. Дөрлдәнә йовудт күүкд улс маши зогсах, хаалһар йовлһна эрдмән үзүлв. Эдн автомобиль тавнс арас авн тавн жил күртл йовулжана. Жирв хайсна хөөн эдн кезә дөрлдхән медж авв. Түрүн болж эврәннь эрдмән тавн жилдән маши залжах Ирина Бадмаева үзүлх болж һарв. Ирина Бадмаеван келсәр, өдгә цагт машин угаһар бәәж болшго. Автомобиль оньдин экр биш кергтә болна.

Ирина Бадмаева үүмлго машиһан хаалһар йовулад, темдглсн цагт невчкн эндү һарһад гүүлгж ирв. Эврән бийнь маши йовулсн эрдмән таасжахш. Зуг олра цуглсрн әмтн энүнә сән эрдминь темдглв. Энүнә хөөн талдан орлцач эрдмән үзүлв. Энүг хәләһәчнр болн жюри дөннв.

Жюрин гешүн, “Лотос” нертә сурһулин номин производствин директор Константин Казаковин келсәр, күүкд улс маши йовулхларн хаалһд дигтә-даратаһар йовна. Эдн хаалһар йовлһна зокал эвдхш.

Константин Казаков һучн жилдән маши залжана. Тегәд энүнә тоолврла олн улс зөвшәрнә. Даатхлһна багин Хальмгин филиалын директор Александр Болтыровин келсәр, эн жилин хойр сарин эргцд танһчин хаалһд далн зеткртә йовдл учрв. Энүнд нег чигн күүкд улс орлцата зеткртә йовдл учрсн уга.

Тер саамд марһа хәләсн әмтн болн марһана жюри дииләчиг йилһәд авчкв. Марһана һол мөрә — көдлмшин һазрт машиһан зогсах онц орм, диплом болн кубок Хальмг танһчар федеральн казначействин заллтин әнгин ах казначей Айса Чимидова шүүж авв. Айса тавн жилдән автомобиль залад, ик дамшлт хоршав. Онц келхд, марһанд орлцсн цуг күүкд улс мөрә уга үлдсн уга. Тер мет “Знание”, “Виртуозность”, “Шпилька”, “Грация” болн “Приз зрительских симпатий” номинацд диилвр бәрсн жолачнр бас мөрәһәр ачлгдв.

Хавтхна Элла, Хулхачин Николай

 Смотрите наши видео на YouTube!
Другие новости по теме
Вперёд
Социальная сфера

Политика

Образование

Культура

Спорт
Здравоохранение
Экономика
Происшествия