Әрәсән Президентас Пелагея Сидорова йөрәлин авв
Пелагея Сидорова Әрәсән Президентас иим йөрәлин бичг түрүн болж авчана. Элстин өөр Аршан поселкд бәәх йирн тавн наста Пелагея Нарановна иим зәнгд ик гидгәр байрлв. Иим ик нас зүүһәд, нүднә харан уга болв чигн, энүг үрдүднь болн ан-зеенрнь ирж хәләһәд, кергтә килмж тусхажана. Ода көгшә арвн тавн жиж-зеенчртә. Пелагея Сидорован элг-саднь бас иим зәнгд икәр байрлжана. Иим кевәр көгшн күүг һарсн өдрләнь йөрәснь бас ик чинртә керг болжана. Сидоровихн эврәннь ут-жирлһин хаалһд кесг түрү-зүдү үзв. Тер бийнь эдн цаһан сана зүүж, зовлнгдан даргдсн уга. Насни туршарт чидлән нөөлго көдләд, үрдүдән өскв. Эднә өрк-бүл талдан улст йоста үлгүр-үзмж болжана. Өдгә цагт тоомсрта көгшдүдәс жижчнрнь болн зеенчрнь сән үлгүр авч, бас иим цаһан хаалһар жирһх саната бәәнә. Ода эдн эврәннь һарарн нер тосхж авла. Эднә күндтә ээжнь ямаран күнд цаг харһсн бийнь, гейүрдж, һундсн уга. ханцан шамлад көдләд, үрдүдән кү кеһәд, ода ачта амрлһнд бәәнә.
