Хойр зун жилин өөнд белдвр келһнә бүрдәмжин комитетин сүүр болв
Нег минһн нәәмн зун арвн хойрдгч жилин төрскән харсгч дәәнд Әрәсә диилвр бәрснә хойр зун жилин өөнд белдвр келһнә бүрдәмжин комитетин сүүр Хальмгин правительствд болв. Кезәнә цагт болсн дәәнд баатр кевәр ноолдсн әмтнә санл күндлһнә күцл бүрдәмжин комитет өмнән тәвсмн. Францла болсн дәәнд орцлсн салдснрин нер мөнкрүлхин төлә иим нерд чолунд, туужлгч зургудт, дегтрмүдт, телефильмд болн архивн материалмудын һәәхлүмдт үлдх зөвтә гиж бүрдәмжин комитет шиидв. Келхд, хальмг танһчас Наполеонла болсн дәәнд тавн минһн күн орлцсмн. Негдгч Александр Императорин зәрлгәр, Астраханск губерняс хальмгин улсас хойр полк нәәмн зун арвн негдгч жилд бүрдәгдсмн. Танһчин хазгуд болхла ончта өөнин жилд Бородино селәнд одх зурата. Төрскән харсгч дәәнә баатрмудын тускар ке-сәәхн өнгтә буклетмуд барлх, Хошуда хурлыг шинрүлһнә көдлмш төгсәх селвгүд бүрдәмжин гешүд орулж өгв. Дорас өсж бичкдүд дән болсн һазриг эврәннь нүдәрн үзх зөвтә.
