Үвлин кемд ЖКХ-н предприятьмудт белдвр кегджәнә

Эндр Хальмгин правительствин барин церглтин зәнглсәр, намрин-үвлин кемд Әрәсән субьектмудт ЖКХ-н предприятьмуд белдлһнә шинжлтын ашар Хальмг танһчд хамгин сән регионмудын тоод орв. Шинжлт кесг үзмжәр кегдв. Эннь жилишн сангин белдвр, коммунальн котельнсин, дула өглһнә болн усна сурвлжна бәәдлин, түләнә көрнг белдж авсна, бачм чинртә цагт материальн-техническ көрнгин болн белдврин көдлмш мөнгәр тетклһнә бәәдл бүрткгдв. Үвлин кемд белдлһнә көдлмшиг мөнгәр тетклһнә халхар мана танһч бас нүүрт йовна. Болв эн туст танһчин правительств оньган өгх төрмүд бәәнә. Эннь хуучн усна сурвлж сольж шинрүлһнә төр болжана. Әрәсән региональн делгрлтин министерствин темдглсәр, эн жил Хальмг танһч давсн жилин үзмж ясрулв.