Таксофонмуд селәнд кергтә
Элст балһсна уульнцд таксофонмудын то кесг холванд баһрхмн. Иим аппаратмуд хәләж ясхин төлә дала мөнгн кергтә гиж Әрәсән залһлдана болн олна коммуникацин министерствд келнә. Тер саамд селәдт болхла иим таксофонмуд углж тәвгджәнә. Эдн селәнә улст эрк биш кергтә болна. Нег үлү, мобильн залһлдан уга һазрт иим аппаратмуд сән нилчән күргжәнә.
Олн-зүсн өнгтә — улан, шар, көк аппаратмуд танһчин селәнд болһнд углж тәвгдв. Ут-тоодан дөрвн зун иим аппарат бәәнә. Көтчнрә района Көглт селәнә бәәрн күн Николай Ярмов дару-дарунь таксофонар жиннүлнә. Энүнә келсәр, иим залһлдан эвтә болна, нег үлү дангин жиннүлж болх. Энүг селәнә талдан чигн улс дөннжәнә. Таксофоһар жиннүлх мөнгнә картыг бәәрн поштын залһлдана әнгд хулдж авч болх. Селәнә улсин келсәр, мобильн телефонд зәрмдән мөнгн уга болна. Таксофона картчокт мөнгн бәәнә. Тегәд эннь эвтә болна. Кемр сөөһәр жиннүлх кергтә болхла, һаза һарад ямаран чигн цагла таксофо олзлж болх.
Тер саамд поселкд мобильн залһлдан зәрмдән көдлхш. Мобильн телефоһар зуг зәрм һазрт эс гиж эргд һарад жиннүлж болх. Телекоммуникационн компаня Хальмгин филиалын директор Арслнг Корняковин келсәр, селән һазрт таксофонмуд эрк биш кергтә болжана. Эдн селәнә улст ик туслмж күргжәнә. Таксофоһар бачм читнртә йовдлмуд учрхла медицинск дөн, полицин көдлхчнриг болн МЧС-иг дуудж авч болжана.
Телекоммуникационн компаня хальмгин филиалын директор Арслнг Корняковин келсәр, селәнд һазрт иим таксофон тәвсн бас учрта. Бачм чинртә йовдлмуд учрхла селәнә улс дарунь зәнг йовулж чадх. Иим аппарат хәләж ясхд үнтә болв чигн, иим таксофон селәнд кергтә.
Көглт селәнә муниципальн бүрдәцин ахлач Валентина Яковенкон келсәр, ода селәнә әмтн универсальн таксофонмуд олзлжана. Кемр электрокүчн уга болхла мобильн телефон көдлшго. Таксофонмуд болхла герл уга болв чигн завср угаһар көдлнә. Тер саамд хуучн телефон-автоматмудын то удл уга зөвәр баһрх. Эдниг хәләж ясхин төлә дала мөнгн һарна гиж Әрәсән залһлдана министерствд келнә. Тегәд эдниг уульнцд үлдәх аль угай тускар күүндвр кегджәнә. Көглт селәнә ахлач Валентина Яковенкон келсәр, мобильн телефоһар жиннүлхт күнд болна. Юнгад гихлә Көглт селән хотхрт бәәнә.
Универсальн таксофонмуд йирин телефон автоматас йилһрнә. Таксофонар күүндхлә, мөнгинь күүндсн күн өгч чадх эс гиж орж ирсн күүндриг өнгәр кеж болх. Ода Көглт селәнд таксофонмуд залһлдан ор һанцхн эв-арһ болжана. Тегәд эдниг эзни кевәр олзлж хадһлх кергтә болжана.
Ээнән Ольга, Ирчин Алексей
