Бачһудыг наркотикас гетлүлһнә төрәр конференц болв
Сурһульчнр дунд наркотикүд олзлһнас гетлүлһнә төрәр танһчин номин дамшлтын конференц болв. Энүнә йовудт “Умей сказать нет” нертә тренинг болв, сурһульчнриг наркотик олзлһнас гетлүлһнә төлә психологическ наадд болн даслт бүрдәгдв.
Конференцин иим нерәдлһтә төр шүүж авснь бас учрта. Эннь өдгә цагт хамгин хурц төр болжана. Ода наркомань олн улсин хамгин зовлнгта төр болжана, нег үлү баһчуд дунд хорта тәмк олзлдг йовдлмуд жил ирвәс өсәд йовна. Эрүл-мендин социальн институт болгч школ дорас өсж йовх баһчудт наркотик олзлшго чик сурһмж өгх зөвтә. РИПКРО-н ректор Лилия Мунчинован келсәр, иим наста баһчуд йир әәмшгтә кем болжана. Бичкн көвүд-күүкд һаза олн-зүсн үлмәд тусна.
Ода наркологическ тоод тәвгдсн улсин то арвн прцентд өсв гиж йосна статистик зәнглжәнә. Тер саамд хальмг танһчд наркоманя гемәр гемтжәх улсин то цугәрәсәһәс зөвәр ик болж һарчана. Эндр өдрт наркодиспансерин тоод күсдундур минһн күн тәвгдсн бәәнә. Эднәс ик зунь Элст балһсна бәәрн улс. Нег сәнь, эдн дунд бичкдүдин болн баһчудын то дегд ик биш. Тер саамд наркотик олзлдг насни дигт күрәд уга бичкдүдин тө баһржана. Давсн жилд иим зу һар бичкдүд бәәсн болхла, эн жил эднә то хойр холванд баһрв. Танһчин наркологическ диспансерин эмч Татьяна Богданован келсәр, баһчуд дунд наркотик олзлһна халхар бәәдл дегд му биш. Иим бичкдүдин то әрәсәһәс күсдундур-хойр холванд баһ болжана.
Конференц бүрдәж давулсн танһчин эрдм-сурһулин көдләчнрин мергжлт өөдлүлһнә институтын көдләчнрин келсәр, иим керг-үүлдврмүд иргчдән чигн кегдх. Насни дигт күрәд уга бичкдүд дунд наркоманяс гетлүлһнә төлә педагогиечск көдләчнриг белдлһнә программар иим конференц бүрдәгдж давулгдв. Эн халхар көдлмш цаарандан чигн күцәгдх. Юнгад гихлә өдгә цагт мана танчһд наркоманя төр ик хурц төрт хүврв. Энүг комплексн кевәр өмнән тодрха күцл тәвж күцәх кергтә болжана. Танһчин эрдм-сурһулин, сойлын болн номин министрин дарук Раиса Дякиеван келсәр, наркотик ямаран хорлтан күргдгин тускар эн конференцд орлцсн улс цаарандан олн улст тархаж келж өгх зөвтә.
Багшнриг эн туст сурһульчнр бас дөннв. Конференцин йовудт Баһчуд — бичгә нертә агитбригадын орлцачнр билг-эрдмән үзүлв.
Елена Алексенко, Настан Сергей
