ГИБДД-н заллтд электронн эв-арһар туслмж авч болх
Ода эврәннь машиһан темдглж бичүлхин төлә, маши залх иткүлин цаас һарһулж авхин төлә интернет олзлж болх. Тегәд ГИБДД-н әнгд ик чеерүдт зогсх керг уга. Иим зәрм туслмжиг интернет-порталар электронн эв-арһар авч болжана. Шин эв-арһин тускар мана сюжетд келгджәнә.
ГИБДД-н регистрационн әнгд әмтн олн-зүсн кергәр ирнә. Зәрмнь эврәннь машиһан темдглж бичүлнә, талдан улс маши залдг иткүлин цаас һарһулж авчана, талдан чигн тусмлж авхар ирнә. Эндр нааран ирсн улсин келсәр, чеерүд дегд ик биш. Зәрм өдрмүдт болхла энд күн дегд дала болна. Чеерүдт кесг частан зогсх кергтә. Екатерина Акаеван тоолврар, иим бәәдлиг чиклж болх. Ода Элтс балһснд автоинспекц зәрм туслмжиг электронн эв-арһар күргжәнә. Екатерина Акаеван келсәр, эндр маши залх иткүлин цаасан гееһәд, нааран ирв. Урдаснь интернетар дамжулад эрлһ үлдәж. Эндр ирәд, цаасан сольж чадв.
Олн жилдән маши залач болж көдлжәх Сергей Алферов ГИББД-н регистрационн әнгд эврән ирәд, кергтә тусмлж авхдан дурта. Юнгад гихлә, ода деерән компьютер мууһар меднә. Сергей Алферовин кесләр, нааран ирхд амр болна. Даслт болж одв.
Элст балһсна баһчуд болхла электронн эв-арһар ГИБДД-н туслмж авхдан удрлжана. Ольга Дертынован келсәр, машиһан темдглж бичүлхәр ирж. Интернет-портал олзлад, урдаснь эрлһ бичв. Ирх цаг темдглж өгв. Тер цаглань ирәд, машиһан темдглж бичүлв. Эннь йир эвтә болжана.
Госавтоинспекцин барин церглтин зәнглсәр, Государстенн туслмж нертә интернет-порталар дамжулад, эврәннь машиһан темдглж бичүлхин төлә урдаснь чеерүдт бичгдж чадх. Тер мет мергжлтин шүүвр өгч болх, маши залх иткүлин цаас һарһж авч болжана. ГИБДД-н барин церглтин көдләч Евгений Джамбиновин келсәр, эрлһ орулж өгнс кемд күн болһн ямаран цагла ирж чадхан медүлнә. Тер цагла ГИБДД-н заллтд ирәд, кергтә туслмж авч болх. Чеерүд угаһар машиһан темдглж бичүлж болна, маши залх иткүлин цаас һарһж авч болх.
Чучян Валентина, Котина Валерий
