Шин жиләс авн шин закад үүлдврт оржана
Дәкәд нег тодлад келхлә, шин жиләс авн январин нег шинәс авн шин закад, тогтаврмуд болн закврмуд үүлдврт орв. Үлгүрнь, бичкдүдин садмудт бичлһн ода электронн эв-арһар бас күцәгдх. Цергчнрт бәәдг гер хулдж авхин төлә нег дэкж өгдг дөнцл мөнгн йилһж өггдх. Цергәс зулжах улс государственн церглтд орж көдлж чадшго. Хөрн долан нас күрсн цергт эс церглсн көвүдт цергә билетин ормд цергә комиссариатын комиссин цаасн өггдх. Иим цаасар әмтн государственн церглтин көдлмшт орж чадшго. Январин нег шинәс авн келн-улсин мөнгнә систем орулгджана. Карточкас хулхалж авсн мөнгиг банк данцах зөвтә. Кемр карточкин эзн мөнгән эс хулхалж авсиг эс герчлж чадхла, банк мөнг бүклднь өгх зөвтә. Тер мет сим карт хулдлһна зокал чанһржана. Ода иим исм картыг зуг паспорт бәәхлә хулдж ач болх. Әрәсән деед сурһуль төгсәсн баһчуд болхла шин янзта диплом авх. Бакалаврмудт, специалистнрт болн магистрмудт картонн дипломын ормд харслһна темдгтә хойр цаас бәрүлж өгхмн.
