Хуучн гермүдәс әмтн удл уга шин герт нүүж орх
Хуучн гермүдәс әмт нүүлһнә программар цуг әмтн шин патьрмудт хойр минһн арвн доладгч жилд нүүж орх зөвтә. Давсн жилин чилгчәр зун нәәмн өрк-бүл шин бүүрт нүүж орла. Эдн Калаичнская нертә уульнцд тосхгдсн шин герт патьрмудт авв. Эн жилин январь сард зурһадгч микрорайонд дәкәд дөчн өрк-бүл шин бүүрт нүүж орх. Негдсн заказчикин дирекц өдр болһн тосхлтын көдлмшин йовуд бүрткж хәләжәнә.
Шин тосхгджах герт дула цөн өдр хооран өгч. Хойр долан хонг болад олн давхрта гер бүклдән дуладх. Тиигхлә негдсн заказчикин дирекцин һардач Санл Долнаовин келсәр, тосхачнр шалдарин болн ширдлһнә көдлмшиг цаарандан күцәж чадх. Энд эрс дәкнәс шалдх кергтә, энүнә хөөн цаһалһна болн обой наалһна көдлмш эклхмн.
Негдсн заказчикин дирекцин һардач Санл Долановин келсәр, шин герт үүд, линолеум, плинтус, сантехник, газин беш, дула өгдг систем болн пластикин терз углж тәвв. Тосхлтын көдлмшиг бәәрн көдләчнр күцәжәнә. Негдсн заказчикин дирекц өдр болһн тосхлтын көдлмшиг бүрткж хәләжәнә. Темдглсн болзгт шин гер эдлврт орулгдх.
Тосхачнрин келсәр, ода шин герт газ, усн орулгдв. Тегәд шин гер йирн процентд белн болв гиж келж болх. Ода шин обьектиг ахр болзгт эдлврт орулхар адһжахш. Тосхачнрин келсәр, цуг көдлмшиг сән чинртәһәр күцәх кергтә. Эдн амрлһна өдрмүд угаһар көдлжәнә. Шин герт цуг патьрмуд өдгә цагин цуг некврлә ирлцх. Специалистнрин келсәр, шин герт шин тосхлтын материалмуд олзлгджана.
Шалдарин көдлмшлә зерг шин герин аһуд кеерүлһнә көдлмш кегджәнә. Төсвәр энд бичкдүдин плошадк тосхгдх, әмтн йовдг хаалһ болн хөрн тавн машин зогсдг бәәрн зуралгдв.
Тосхлытн организацин прораб Амур-Санан Халгаевин келсәр, тосхлтын йовудт материалмуд болн мөнгн цаглань ирв. Темдглсн зураһар мөнгн йилһж өггдв.
Шин герт Поповичин болн Правда нертә уульнцд хуучн гермүдт бәәх өрк-бүлмүд нүүж орх. Шин герин патьрмуд цугтан түгәж өггдв. Тосхлтын зураһар шин обьектиг эн жилин январь сард эдлврт орулх зөвтә. Энүнд цуг көдлмш күцц кегдх.
Санл Долановин келсәр, шин гер патьрмуд йилһж өгсн кемд спискиг Элистинская панорама газетд барлж. Тер мет хотл балһсна администрацин сайтд бас иим списк бәәнә. Шин герт патьр түгәж өгсн кемд инвалидмудын төлх льгот кегдв. Эднд патьрмудт негдгч давхрт йилһж өггдх.
Дәкәд нег тодлад келхлә, әмтн бәәг шин гер хуучн гермүдәс әмт нүүлһнә федеральн программар тосхгджана. Энүнә төлә далн сай арлснг йилһж өггдв. Энүнәс дөчн дөрвн сай арслнг Элст балһсна бюджетас ирв. Эн жилин программар Хальмг танһчин орулж өгсн эрлһнлә ЖКХ-н халх шинрүлһнә санг зөвшәрв. Энүнә тускар танһчин тосхлтын министерств зәнглв. Тер мет энүнә төлә йилһж өгх мөнгн бас темдглж авгдв.
Олн давхрта гермүдин капитальн ясврин төлә федеральн бюджетас арвн тавн сай арслнг ирх. Йисн сай арслнг мөнг танһчин хазнас йилһж өггдхмн. Әмтиг хуучн гермүдәс нүүлһнә программ күцәхин төлә зун сай арслнг һарһж өггдхмн.
Чучян Валентина, Мятежный Максим
