Сарпинск районд селәнә улс эмчнрин хәләврт оржана

Эндр медицинск диагностическ цутхлнг Сарпинск района Деликовин нертә селәнд көдлжәнә. Энүнә өмн Шарнуд селәнә улс эмчнрин хәләврт орв. Селәнә улсиг терапевт, зүркнә болн гинеколог эмчнр хәләж шинжлв. Эдн асхн ора күртл көдлв.

Поселкин тал дунд машин деер көдлдг поликлиник ирж зогсв. Иим медициснк туслмж селәнә улст өвәрц болв. Болв цөн цаг болад чеерүд цуглрв. Энд нурһлж күүкд улс зогсжана. Далн дөрвн наста Мария Зартынова сүл цагт диспансеризацд кезә орсна тускар март Тегәд иим арһ учрснд икәр байрлв. Хамгин түрүнд медициснк шинжлтд орж чадв. Мария Зартынован келсәр, эмчнр шинжлт кеһәд, эмч бичж өгв.

Кемр нааран машин деер көдлдг поликлиник эс ирсн болхла селәнә әмтн кезә эмчнрин хәләврт орхин тускар меджәхш. Юнгад гихлә района цутхлнг селән күртл йовхин төлә таксиһар һурвн зун арлснг кергтә болна. Блиц 1 эн күүнә келсәр, анализ өгв, узи-н шинжлт кеж, ода чеерүд ирхлә терапевт болн гинекологд орх. Иим керг сән, талдан һазрт одх керг уга. Блиц 2 — Эн күүкд күүнә темдглсәр, эмчнр нааран ирснь сән. Энд эмчнрин шинжлтд ордг арһ уга. Нүднә эмчд кезәнәс авн орхар седж. Эмч ямаран эмнлһ кехин келж өгв.

Танһчин эрүл-менд харлһна министр Владимир Шовуновин келсәр, кергтә цуг диагностическ оборудованьята цутхлнгд нүг медицинск шинжлт кеж болна. Тегәд гемиг эрт болзгт илткж авх арһ бәәнә. Зәрмдән күн эмчин хәләврт орлго, эврәннь гемин тускар медхш. Ода эмчнрин бригад танһчин хамгин хол селәд-поселкт одад, селәнә улсиг шинжлж хәләжәнә. Нег өдртән эдн зу кү хәләж чаджана.

Министр Владимир Шовуновин келсәр, иим машинд шишлнг оборудовань бәәнә. Энүнә дөнгәр узи шинжлт кеж болх. ЭКГ болн тладан чигн аппарат бәәнә. Лабораторьт цусна болн талдан чигн шинжлт кенә.

Машин деер көдлдг поликлиник танһчин һурвн селәнд одад көдлв. Хальмг танһчин һардачнр иим диагностическ цутхлнгудыг улсин диспансеризац келһнә төлә олзлх саната. Энүнә һол күцлнь — сән чинртә медицинск туслжм цуг улст күрглһн болжана. Танһчин толһач Алексей Орловин келсәр, удл уга дәкәд нег иим поликлиник көдлх. Мобильн кеәвр көдлжәх специалистнрин төлә танһчин толһач микроавтобус белглв. Шарнуд селәнә улсла болсн харһлтын йовудт Хальмгин ахлач селәнә улсиг ямаран төрмүд үүмүлжәхин тускар күүндв. Күсдундур жил хооран селәнә әмтиг үүмүлжәсн төрмүд, тер тоод газ орулһна, школд ясвр келһнә, медицинск туслмжин чинр ясрулһна төрмүд хаһлгдв.

Хальмгин толһач Алексей Орловин келсәр, ода нег машин көдлжәнә. Удл уга хойрдгч машин ирх. Медицинск автопарк икдх. Эмчнрин хәләврт орсн улсин то өсх. Селәнә улст сән таал бүрдәх зура бәәнә. Сарпинск район буудя урһаж авлһна халхар нүүрт йовна. Талдан чигн райолт дөн күрггдх. район болһнд арваһад сай асрлнг мөнгн йилһж өггдв. Эннь Сарпинск районд сән дөн болх.

Уманцево селәнд болхла Алексей Орлов мах эд-бод кедг комплексин тосхлтын йовудла таньлдв. Эн тосхлт удл уга төгсх. Эн өдрмүдт өдгә цагин некврлә ирлцәтә оборудовань углж тәвгджәнә. Тосхлт инвестормудын мөнгәр күцәгджәнә. Шин предприять эдлврт орхла, танһчин әмтн көдлмштә болх.

Ээнән Ольга, Хулхачин Николай